Тоҷикдухтаре, ки беҳтарин хонандаи Твер эътироф гардид, донишҷӯи Академияи тиббӣ шудааст (АКС)
Вақте дар поёни соли хониши сипаришуда ӯро беҳтарин хатмкунанда эълон карданд, зикр шуд, ки барои шомил шудан ба дилхоҳ муассисаи олии Русия имтиёз хоҳад дошт. Нушофарин дар суҳбат ба "Озодагон" гуфт, ӯ таҳсил дар Академияи тиббии шаҳри Тверро интихоб кард ва ҳоло донишҷӯйи ин мактаби олии бонуфузи Русия мебошад. Ба қавли вай, дар ҳоле, ки бисёре аз сокинони таҳҷойии Русия наметавонанд дар ин даргоҳ таҳсил кунанд, барояш бисёр ифтихорангез аст, ки тавонист бидуни имтиҳон ва ба таври ройгон ба ин даргоҳ ворид шавад.
Нушофарин Ғиёсова дар Душанбе таваллуд шудааст. Хонаводаи ӯ соли 2001 ба Русия муҳоҷират мекунад ва вай таҳсилро дар Русия шурӯъ мекунад. Падари Нушофарин Сайидалӣ Ғиёсов мегӯяд, аслан дар ноҳияи Ванҷ зода шудааст ва солҳои қабл аз муҳоҷирати хонаводагӣ дар Душанбе зиндагӣ мекарданд: “Чун кори дурусту мувофиқе дар Душанбе пайдо нашуд, маҷбур шудем ба Русия биоем”.
Вазорати маорифи вилояти Твер бо фармони вижа номи Нушофаринро барои соҳиби медали тилло ва мадрак (аттестат)-и сурх шудан, 28 июни соли равон ба Китоби Ифтихории хатмкунандаҳои мактабҳои ҳамагонӣ ворид кардааст. Губернатори вилояти Твер ҳам бо ирсоли як сипоснома падару модари ӯро табрик кардааст.
Замира, модари Нушофарин ба "Озодагон" гуфт, онҳо соҳиби ду фарзанданд ва фарзанди дуввуми онҳо – Фараҳнӯш низ бо баҳои аъло таҳсил мекунад: “Роҳбарият ва муаллимони мактаб доим мегӯянд, ки фарзандони Шумо ифтихори мактаби мо ҳастанд. Ҳамчунин муносибати ҳамсояҳо бо мо ва кӯдакони маҳалӣ бо фарзандони мо бисёр дар сатҳи хуб аст. Ман фикр мекунам агар кӯдакони мо, дар ин ҷо, дар муҳоҷират битавонанд аз худ шоистагӣ нишон диҳанд, муносибат бо онҳо дигаргуна мебошад”.
Хонаводаи Сайдалӣ шаҳрвандии Русияро доранд. Ба гуфтаи ӯ, шояд таҳсили хуби фарзандонаш аст, ки ҳеч гоҳе бо муносибати миллатгароёнаи мардуми маҳаллӣ рӯбарӯ нашудаанд. “Духтари ман бо ҳиҷоб ба дарсҳо мерафт ва ин фарҳанг дар Русия чандон пазируфта нест, вале ҳамсинфонаш бо ӯ муносибати хубе доштанд”,-мегӯяд Сайдалӣ Ғиёсов.
Ба гуфтаи волидони Нушофарин, Русия ба хонандаҳои боистеъдод имкони лозим медиҳад, то рушд кунанд: “Умедвор ҳастем, ки дар Ватани асосии мо, Тоҷикистони азиз низ чунин имконот барои хонандаҳо фароҳам шавад ва онҳо шахсияти худро бисозанд”.
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
