Суғд: Ронандаи таксӣ дар дуздии 4 миллиону 285 ҳазор гумонбар мешавад
Раёсати умури дохилии Суғд аз боздошти як сокини шаҳри Истаравшан бо иттиҳоми тасарруф кардани маблағи калони пулӣ хабар медиҳад.
Аз ин ниҳод имрӯз, 9 август ба хабаргузории “Озодагон” иттилоъ доданд, Ҳ.Саидови 34-сола, ки ба ҳайси ронандаи таксӣ фаъолият доштааст, 4 миллиону 285 ҳазор рубли русӣ амонати як нафарро азхуд кардааст: “Ин маблағро дар шаҳри Қӯрғонтеппа ба ӯ додаанд, то ба шаҳри Истаравшан бурда, ба як нафар расонад”.
Ба иттилои манбаъ, ронанда тибқи нақшаи пешакӣ тарҳрезикардааш танҳо як мусофир гирифта, ба роҳ баромадааст. “Дар Душанбе маблағҳоро пинҳон намуда, дар ҳудуди деҳаи Яккабоғи ҷамоати деҳоти Пошкенти шаҳри Истаравшан садамаи сунъиро ташкил кардааст, то шубҳа на ба ӯ, балки ба мусофираш афтад”,- афзуд манбаъ.
Манбаъ афзуд, феълан далели шайъӣ пурра дарёфт гардида, нисбат ба гумонбаршаванда бо моддаи 244-и Кодекси ҷиноятӣ “Дуздӣ”, парванда боз шуда, тафтишот идома дорад.
Мӯҳр
ТАҚВИМ
« Сентябр 2024 » |
---|
Душ | Сеш | Чор | Пан | Ҷум | Шан | Якш |
---|
| 1 |
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | |