Созандаҳои “Арӯси замонавӣ-2” мегӯянд, қисми дуввуми филм плагиат нест (ВИДЕО)
Абдулмӯъмин Шарифӣ, ҳунарманди шинохтаи театру кино ва муаллифи филмномаи “Арӯси замонавӣ-2” рӯзи 21 июл дар як нишасти хабарие гуфт, дар қисмати аввали филм созандаҳо аз пайи шавқу ҳавас рафта, ба хатоиҳо роҳ доданд: “Намешавад аз воқеият рӯ тофт. Вақте дар бораи як филм овозаҳое баланд мешавад, пас он ҳақиқате ҳам дорад”.
Аммо ӯ афзуд, қисмати дуввуми филм фарқкунанда ҳаст ва хатову камбудиҳо ислоҳ шудаанд: “Коргардон баъзе ҷойҳои сенарияро тағйир додааст, вале гумон мекунам писанди тамошобинон хоҳад шуд”.
Баъди вориди бозор шудани “Арӯси замонавӣ” сару садоҳо дар бораи аз як филми узбакӣ рӯбардор шудани сенарияи он зиёд шуд. Набиҷон Пирматов, муаллифи сенария, коргардон ва ҳунарманде, ки нақши асосиро дар филми “Арӯси замонавӣ” бозидааст, баъди ин сару садоҳо ба “Озодагон” иқрор карда буд, ки воқеан идеяи филм ва баъзе саҳнаҳои “Келгинди келин” ва як филми ҳиндӣ гирифта шудааст. Ба қавли ӯ танҳо филми ӯ на, балки се-чор филми дигари тоҷикӣ ҳам аз филмҳои узбакӣ рӯбардор шудаанд, вале ба қавли вай чун “Арӯси замонавӣ” машҳур шуд, зуд атрофаш баҳсҳои зиёд ба вуҷуд омад.
Зулфия Содиқова, яке аз дигар ҳунармандоне, ки дар ин филм нақш офаридааст, дар дидори рӯзи гузаштаи коргардон ва ҳунармандони “Арӯси замонавӣ-2” ба хабарнигорон гуфт, мавзӯи филм доғ аст ва дар ҳама ҷомеаҳо мавҷуд аст. Ӯ гуфт, филми узбакии “Келгинди келин”-ро тамошо накардааст ва фикр намекунад, ки саҳнаҳои ин ду кино бо ҳам аз ҳад зиёд монанд бошанд: “Шояд як хатти умумиаш монанд бошад, аммо шохаҳои дигаре ҳаст, ки коргардони тоҷик ба шеваи худ онро роҳандозӣ кард”. Гузашта аз ин, ба гуфтаи Содиқова ҳар ҳунарманд дар филм ба шеваи хоси худ нақш меофарад, ки имкон надорад ба филми дигар шабоҳат дошта бошад.
Моҳпайкар Ёрова, ки яке аз нақшҳои асосиро дар ду қисми “Арӯси замонавӣ” бозӣ кардааст, мегӯяд, вақте қисмати аввали кино вориди бозор шуд, он ба дили мардум нишаст ва худи тамошобин талаб кард, ки он идома дошта бошад: “Образи арӯси замонавӣ дар ҳаёти воқеии мардум хело зиёд шудааст, анъанаву урфу одатҳои миллиро намедонанд ва мо бояд омӯзонем, тарбия кунем, нишон диҳем, ки духтари тоҷик чӣ гуна бояд рафтор кунад”.
Созандаҳои филм мегӯянд, дар “Арӯси замонавӣ-2” бисёр камбудиҳое, ки дар қисмати аввал буд, ислоҳ шуда ва умедворанд мақбули бинанда мегардад. Нахустнамоиши “Арӯси замонавӣ-2” рӯзи 23 июл дар шаҳри Душанбе баргузор мешавад.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
