05 апр 2016 16:19Тоҷикистон / Сиёсат / Дидгоҳи хос / Тема дня

Сабти нахустин ҳолатҳои “облава” дар мавсими даъвати баҳорӣ

Дар пасманзари ҳушдори вазири мудофиа ва дастури раисиҷумҳури Тоҷикистон барои кор набурдани роҳҳои ғайриқонунӣ зимни даъвати наваскарон, манобеи “Озодагон” аз нахустин ҳолатҳои “облава” дар навоҳӣ хабар доданд.

Мунис Искандарзода, донишомӯзи 17-солаи литсейи касбии хизмат ва туризми шаҳри Душанбе дар суҳбат бо “Озодагон” гуфт, пеш аз зуҳри имрӯз, 5 апрел дар роҳи бозгашт ба хона дар ноҳияи Ваҳдат ҳадафи “облава” қарор гирифт: “Дар роҳ мерафтам, ки як нафар бо либоси мулкӣ аз пешам баромад ва аз дастам гирифта ба мошини “Мерседес” даровард. Он ҷо нафарони дигар бо либоси низомӣ буданд. Гуфтам барои хизмат ҳанӯз синам намерасад, соли таваллудам 1999 мебошад. Гуфтам дар литсей мехонам, бовар накарданд ва ба комиссариати ҳарбии шаҳри Ваҳдат бурданд. Танҳо баъди 2,5 соат, пас аз дақиқ кардани синну сол ва донишомӯз буданам, маро ҷавоб доданд”.

Ин дар ҳолест, ки рӯзи гузашта 4 апрел аз Вазорати мудофиаи Тоҷикистон ба “Озодагон” иттилоъ доданд, ки вазир Шералӣ Мирзо қабл аз оғози маъракаи даъвати наваскарон дар мулоқот бо масъулини тамоми комиссариатҳои ҳарбӣ барояшон дастури Президент барои истифода накардани роҳҳои ғайриқонунӣ ҳангоми даъватро хотиррасон кардааст.

Аз 1 апрел дар тамоми шаҳру навоҳии мамлакат даъвати шаҳрвандони солҳои таваллуди 1989-1998 ба хидмати ҳарбии ҳатмӣ оғоз гардид.

Мӯҳр

Хабарҳои монанд:

sabr

Ин хама гапо дуруганд ки мегуянд дар мачлисхо аблава нест. Холо ки вазир гуфт гапе не раиси чумхур чанд бор гуфт вале аблава монд мисли пештара.

Ҷавоб диҳед Иқтибос Шикоят

Гулназар

Вохима накунед,хизмати ватанро кардан шарту зарур

Ҷавоб диҳед Иқтибос Шикоят

Дехоти

Ман дар суханронии вазири мудофиъа гуфтам, ку ба гапи ин афрод бовар накунед. Инхо як чиза мегуяну як кори дигара мекунанд. Ман шахсан ба ягон гапи хукумати бовар надорам. Дар Вахдат облава дар авчи ало. Хато барои кормандии облавчики конкурс аст. Хамааш дуругую бинсоф хастанд.

Ҷавоб диҳед Иқтибос Шикоят

Али

Сараавал Мунисро мебояд аз амали ин кормандон ба прокуратураи харби бо ариза оид ба амали гайриконуни кормандони комисариати харби мурочиат намояд. Ман бовари дорам ки кормандони комисариати харби аз амалаш ки хилофи конун бошад ба чавобгари кашида мешаванд.
Айб дар кормандони комисариати харби вучуд дорад инро инкор кардан мумкин нест. Лекин хар шахрванд бояб хукукхои худашро бояд донад.
Аз мурочиат ба макоматхои назорати тарсидан лозим нест чунки агар мурочиат бисёр шавад макомат аз камбудии ва суисстифодаи мансабдорон бохабар мешавад ва паи бартарафи камбудихо чорачуи менамояд.

Ҷавоб диҳед Иқтибос Шикоят

мехмон

Ин чо вохима накунед. Агар аз руи конун амал кунанд 70% чавонон бояд дар назди конун чавоб гуянд. Чунки хама аз хизмат мегурезанд. Кадоме аз шумо варакаи даъватро аз тарики прокурор гирифтед ? Кадом чавонро барои аз хизмат гурехтанаш 5 сол зиндони кардаанд ?
Ин бозии бурди лотерея барин, капиданд мебаранд аммо хеч кас чавобгар нест !! Албатта хам гурехтан аз хизмат ва хам ,, облава" гайри конуни хаст!!!!

Ҷавоб диҳед Иқтибос Шикоят

озар

Хозир соати 5-30 дар шахри Вахдат як гурух облавчикхо ба хонаи ман зада даромада хамаи хонахоро кофтуков кардаанд. Ман дар хона нестам, аммо фарзанди ман дар синфи 11- мехонад ва холо ба сину соли аскар нарасидааст. Боз вазир мегуяд, ки облава нест. Наход, ки талабаи мактабро ба аскари баранд? Писари ман аз синфи 9- баромада дар колечи хунаромузи мехонад. Хамсинфхои у бошад дар синфи 11-ум мехонанд. Ин чи бедодгари о сину солаш, ки буд шуд хизмат мекунад. Писари калониам хизмат кард. Мана адолати хукумати Т.Ч. аГАР БА ФАРЗАНДИ НОБОЛИГ ЧИЗЕ ШАВАД, ПАС МАГАР ДОМОНИ ВАЗИРУ ХУКУМАТДОРОНРО НАБОЯД ГИРИФТ. Озодагон илтимос чоп кунед.

Ҷавоб диҳед Иқтибос Шикоят

Эзоҳ илова кунед