26 ноя 2015 14:33Тоҷикистон / Фарҳангу адаб / Рӯ ба рӯ

Иқрори таҳиягари “Арӯси замонавӣ”: Аз филми узбакӣ гирифтам (ВИДЕО)

Набиҷон Пирматов, таҳиягари филми “Арӯси замонавӣ” иқрор шуд, ки идея ва бархе аз саҳнаҳоро аз филми узбакии “Келгинди келин” гирифтааст.

Пирматов, муаллифи сенария, коргардон ва ҳунарманд, ки нақши асосиро дар филми “Арӯси замонавӣ” бозидааст, имрӯз, 26 ноябр дар суҳбат бо “Озодагон” иқрор шуд, ки идеяи филм ва баъзе саҳнаҳои “Арӯси замонавӣ” аз филми узбакии “Келгинди келин” (Аруси худомада) ва як филми ҳиндӣ гирифта шудааст: “Идеяи филми “Арӯси замонавӣ” аз филми узбакист, ки ба ҳаёти ман монанд буд ва ба он тағйироту иловаҳо даровардам. Аслан идеяи ҳам филми “Арӯси замонавӣ” ва ҳам “Келгинди келин” аз филми ҳинду буда, узбекҳо ба он тағйироти зиёд ворид кардаанд ва ман низ дар филмам аз ҳаёти худам тағйирот ворид кардам”.

Ин дар ҳолест, ки ахиран дар бозори фиттафурӯшии Тоҷикистон фиттаи саҳнаҳои рӯбардоршудаи “Арӯси замонавӣ” аз филми Келгинди келин” пайдо шуд, ки харидорони зиёд пайдо намуд.

Оқои Пирматов дар шарҳи қазия гуфт, як филми ӯ не, балки се-чор филми дигари тоҷикӣ аз узбакӣ рӯбардор шудаанд, аммо “Аруси замонавӣ”, ки ба гуфтаи ӯ машҳур шудааст мавриди баҳсҳои зиёд қарор гирифтааст.

Набиҷон Пирматов гуфт, дар ҳоли ҳозир ба наворбардории қисми дуюми филми мазкур машғул аст, ки пурра нав аст ва аз ягон ҷо рӯбардор нашудааст: “Дар ҳоли ҳозир 80 дарсади қисми дуюми филм наворбардорӣ шуда, авалҳои моҳи феврал ба намоиш гузошта мешавад”.

ВИДЕОИ саҳнаҳои рӯбардоршудаи "Арӯси замонавӣ":

Мӯҳр

Хабарҳои монанд:

Ррр

Салом, ОГОИ НАБИЧОН АВВАЛАН БАРОИ ЗАХМАТХОИ КАШИДААТ ТАШАККУР МЕГУЯМ,ВАЛЕ ОХИР ИН ФИЛМЕКИ ШУМО ТАХИЯ КАРДААЕД САРОПО ХАМА АЗ ЯК САРГУЗАШТЕТНАКЛ МЕШАВАД КИ БАРОИ ЧАВОНИ ИМРУЗА БА ГАЙР АЗ ИШК ЧИЗЕ ДОДА НАМЕТАВОНАД. ОХИР ЧАВОНИ ИМРУТ ТАНХО БА ИШК ЭХТИЁЧ НАДОРАД МАСЪАЛАХОИ ДИГАРЕ АСТ КИ АЗ МАВЗУИ ИШК МУХИМТАР,ЗАРУРИТАР МЕБОШАНД.МАН АЗ ШУМО ВА ХАМКОРОНАТОН КИ ЗАХМАТ КАШИДА ФИЛМ ТАХИЯ МЕКУНЕД ХОХИШ МЕКУНАМ КАМ КАМ МАДАНИЯТИ ТОЧИКИИ НОБРО ПЕШКАШИ ТАМОШОБИН ГРОДОНЕДАЗ
УМЕД МЕКУНЕМ КИ ИН ПЕШНИХОДИ МО САБАБИ ОЗУРДАГИИ ХОТИРИ ШУМО АЗИЗОН НАШУДА БОШАД.

Ҷавоб диҳед Иқтибос Шикоят

Сарбадор

ай хама чо хама чи гирену ай хами узбак хиччи нагирен илтимос хамара чазир кардан

Ҷавоб диҳед Иқтибос Шикоят

Точик

Аввал он ки дар кадом ассос Пирматов филмбардори менамояд. Дуюм огои Пирматов аз филмхои пештара аз гурухи филмбардорон карздораст аввал моаши он касхоро дихад. Сеюм ин ки У чи будани киноро намедонад. Пирматов коргардон нест ин кафолати100% аз тарфи ман.

Ҷавоб диҳед Иқтибос Шикоят

Man ba ty megym

Агар филми наваш аз ягон чо рубардор нашуда бошад, ба хеч кас маъкул намешавад ин будаги кор)))

Ҷавоб диҳед Иқтибос Шикоят

Мухочир

Филми оличаноб шумоён лоики аз хам дида филмхои нав ба нав ба навор гиред . барори кор .

Ҷавоб диҳед Иқтибос Шикоят

Шерали Ҷураев

Эҳааа, ана гап дар куҷо будааст. Ба ростӣ айб аст, наход дидаву дониста филмро аз "ҳамсояи беҳтарин" рӯйбардор кунед, шарманда кардед. Боз дар фейсбук ҳама навиштаҳоятон ба забони русӣ, садқаи забони модарӣ шавед. Ба фикрам филми 2-ро аз қирғизҳо гирифтагистед...

Ҷавоб диҳед Иқтибос Шикоят

шармандаги

Агар ягон маблаггузори баккуват бошад сурогаи электрониша нависад. аз ин бехтар ва бомаънитар сенарияхои филми менависам, ки дар муддати як ё як ним сол фазои кинои точик тагир меёбад. медони ки нусха бардоштести мембри бигуи ки суми зиёд дориву мехохи актиёр шави. ман барот бехтарин ролро ёки накшро пешкаш мекардам. хам ту машхур хам филм бомаъни мешуд.

Ҷавоб диҳед Иқтибос Шикоят

Xусейн

Rosti hami film mada nisand nashid gapzanishon rangi gudako qst

Ҷавоб диҳед Иқтибос Шикоят

TJK

Sharmanda

Ҷавоб диҳед Иқтибос Шикоят

Тамошобин

Тамоми сахна аз филми узбекии келгинди келин гирифта шудааст. Хатто тамоми суханхояшон тарчума шудааст як ба як. Ман филми узбекии келгинди келинро пурра тамошо карда будам. На бархе аз сахнахо балки тамоми кино пурра тарчума шудааст. Ин ягон идеяи нав нест. Агар бовар накунед як бор филми Келгинди келинро тамошо кунед. Шахсоне ки забони узбекиро намедонанд ба забони руси тамошо кунед. Тарчумаи забони русиаш хам хаст. Ин филм 4-5 сол пеш баромада буд. Дар филми Аруси замонави ягон идеяи нав нест, танхо филми узбекиро рубардор кардаанд.

Ҷавоб диҳед Иқтибос Шикоят

муслим

Азизони дил, муфт хур набошед!

Ҷавоб диҳед Иқтибос Шикоят

Аброр

Дар Точикистон гапзан бисёр аст, корбудкун кам. Набичон Пирматов як корро буд кард: филм сохт.
Мегуед, режиссёр нест? Тачриба андухта ва ба омузиш машгул шуда, режиссёр мешавад. То накуни, аз кучо ёд мегири? Аммо продюсер буданаш аз хозир маълум аст.
Аз руи филми дигарон сохт? Адибон хам аввал ба тарзи навишти дигарон машк мекунанд, хеч гап надорад. Кор аз хамин сар мешавад. Танхо ин ки пинхон накарда, ошкор ба ин аз аввал коил шудан лозим буд. Ё шояд икрор нашудан чузъи "рекламная кампания", барои чалби таваччух буд? Ва инак бо икроршави боз ба филм таваччух чалб гардид. Хороший ход!
Филм симохои нав, актёрхои нахонда, лекин мешуданиро мисли Макс (номи аслиашро чаро пинхон мекунад, намедонам) ва Сабрина ифшо кард. Бо онхо филмхои чолиб сохтан мумкин аст.
То харгуна филмхо зиёд нашаванд, тачриба чамъ намешавад ва филмхои хуб пайдо намешаванд. Бигзор кор кунанд. Умедбахш хастанд. Устодон, агар гурури милли дошта бошанд, бояд ба онхо ёри расонанд, на халал. Касе ба ин гуна гуруххо халал мерасонад, реша ба тешаи ояндаи кино мезанад, ба андешаам.
Ба ТОЧИК: ТВ Синамо таъсис мешавад, агар сенаристи хуб бошед, кабул мекунанд. Ончо равед.

Ҷавоб диҳед Иқтибос Шикоят

Эзоҳ илова кунед