04 сен 2015 11:15Тоҷикистон / Сиёсат / Тема дня

Масдудияти “Одноклассники” дар пайи ҳамлаҳои мусаллаҳона

Дастрасӣ ба шабакаи иҷтимоии русии “Одноклассники” ҳам дар Тоҷикистон дубора масдуд шудааст.

Аксари корбарон дар суҳбат бо “Озодагон” гуфтанд, аз соати 9:00-и субҳи 4 сентябр ба ин сӯ, наметавонанд, бидуни филтиршикан вориди ин шабака шаванд. Дар ҳамин ҳол, як манбаъ аз Хадамоти алоқаи Тоҷикистон ба шарти набурдани номаш хабари масдуд шудани “Одноклассники”-ро тасдиқ карда, гуфт, дар ин бора дастури шифоҳии ба ширкатҳои интернетрасони кишвар сурат гирифтааст.

Аз ин пеш шабакаи иҷтимоии Фейсбук ва портали Ютуб ҳам дар Тоҷикистон масдуд шуда буданд. Баъдан корбарони торнамои бахши тоҷикии “Радиои Озодӣ” ҳам гуфтанд, дар вуруд ба ин сайт мушкил доранд.

Масдудияти “Одноклассники”, Фейсбук ва портали Ютуб дар ҳолест, ки хабари ҳамлаҳои мусаллаҳонаи ахир ба Шӯъбаи корҳои дохилии шаҳри Ваҳдату кормандони пулис дар шаҳри Душанбе - пойтахти Тоҷикистон баҳсҳои зиёдеро дар шабакаҳои иҷтимоӣ ба бор овардааст.

Ҳамлаҳи мусаллаҳона ба Шӯъбаи корҳои дохилии Ваҳдат соати 04:28-и рӯзи чоруми сентябр сурат гирифта, ба иттилои расида дар пайи тирпаронии ду ҷониб, ду корманди пулис ва Зиёвиддин Абдуллоеву як ҳаммаслакаш кушта шуда, се нафари дигар захмӣ шудаанд. Инчунин субҳи 4 сентябр дар маркази шаҳри Душанбе низ ба кормандони пулис ҳамлаи мусаллаҳона сурат гирифта, дар натиҷа ду корманди ОМОН ва як нозири БДА кушта шуданд.

Ҳоло аз сӯи Додситонии куллу Вазорати умури дохилии кишвар дар робита ба ин ду ҳамла парвандаи ҷиноӣ боз шуда, тафтишот шурӯъ шудааст. Мақомот мегӯянд, ҳамлаҳои мазкур аз сӯйи гуруҳҳои алоҳида ташкил шуда, ба якдигар ҳеч иртибот надоранд.

Мӯҳр

Хабарҳои монанд:

Бисёр кори хуб кардааст хукумат. Ин сайт Одноклассники не Однотерористники шудааст.

Ҷавоб диҳед Иқтибос Шикоят

Юсуф

Кори олие. Мутаассифона ба ворид шудан ба он сайти шум дигар роҳҳои интернет ҳаст. Бояд зикр гардад, ки фанатик ва террористон ҳамдигарро маҳз бо Одеоулассники ва Фейсбук пайдо мекунанд. Калимаҳои калидии онҳо: "Если любишь Мухаммеда, поставь класс. Кто мусульманин, поставь класс."

Ҷавоб диҳед Иқтибос Шикоят

Эзоҳ илова кунед