10260 сомонӣ ҷаримаи Ҳакимов Исломҷон Дустмуродович
Ҳакимов Исломҷон Дустмуродович барои нақзи қоидаҳои ҳаракат дар роҳ аз сӯи маъмурини пулиси Тоҷикистон беш аз даҳ ҳазор сомонӣ ҷарима шудааст.
Тибқи иттилои дафтари матбуоти Вазорати умури дохилии кишвар, Ҳакимов - ронандаи “Опел-Астра” аз моҳи сентябри соли 2014 то кунун 40 бор қоида ҳаракат дар роҳҳои шаҳри Душанберо нақз кардааст. “Оид ба 40 далели қоидавайронкуниҳои Ҳакимов ҳангоми ҳаракат дар роҳ, расмҳои сабти видеоии ҳолати ҳуқуқвайронкунӣ ва амрномаҳои намунаи муқарраргардида бо зикри андозаи ҷаримаи маъмурии таъиншуда чоп карда шуда, ба соҳиби воситаи нақлиёт барои пардохти ҷаримаи маъмурӣ пешниҳод карда шудааст”,-афзудааст манбаъ.
Дафтари матбуоти ВУД таъкид кардааст, Ҳакимов Исломҷон Дустмуродович маблағи ҷаримаи 40 ҳолати қоидавайронкунии худ, ки 10 ҳазору 260 сомониро ташкил медиҳад, тавассути бонки “Амонатбонк” ба буҷаи давлат интиқол додааст.
Як манбаи “Озодагон” гуфт, Ҳакимов Исломҷон Дустмуродович писари соҳибкори шинохта Дӯстмурод Ҳакимов, маъруф бо лақаби “Дости Бурут”, яке аз чеҳраҳои шинохтаи ноҳияи Файзобод аст. Ин дар ҳолест, ки қаблан дафтари матбуоти ВУД аз қоидавайронкунӣ ва ҷаримаҳои ҳангуфти Ҳукумов Асрор - бародарзодаи Амонулло Ҳукуматулло, раҳбари пешини ширкати “Роҳи оҳани Тоҷикистон”, соҳиби мошини “БМВ-523” ва Сироҷев Умедҷон Холматҷонович - як масъули Вазорати нақлиёти кишвар бо мошини “Ренҷ-Ровер” хабар дода буд.
Мӯҳр
ТАҚВИМ
« Январ 2025 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |