28 июл 2015 10:54Тоҷикистон / Фарҳангу адаб

Нишасти раиси Кумитаи забон: Аз нестшавии забонҳои бадахшию яғнобӣ то сихкабоби хуҷандию табдили “милитсия” ба “политсия”

Гавҳар Шарофзода, раиси Кумитаи забон ва истилоҳоти назди ҳукумати Тоҷикистон мегӯяд, барои наҷоти забонҳои помирию яғнобӣ аз нестшавӣ дар назди Кумита курсҳои омӯзишии ин забонҳоро таъсис медиҳанд.

Шарофзода, имрӯз, 28-уми июл зимни нишасти хабарӣ дар Душанбе гуфт, забонҳои бадахшию яғнобӣ бо хатари нестшавӣ рӯбарӯ шудаанд: “Кумита тасмим гирифтааст, ки як гуруҳи кориро барои омӯзиши ин забонҳо ташкил кунад, мутахассисонро ҷалб кунад. Ҳатто барои ҳифзи забонҳое, ки ба нестшавӣ рӯбарӯ шудаанд, Кумита як санади меъёрӣ ҳуқуқиро таҳия кардааст. Дар назар аст, ки дар назди Кумита барои хоҳишмандон ва хориҷиён курсҳои 1 моҳа, 2 моҳа ва семоҳаю шашмоҳаи омӯзиши забонҳои бадахшию яғнобӣ ташкил карда шавад. Феълан якҷоя бо Академияи улум дар ин мавзӯъ кор карда истодаем”.

Раиси Кумитаи забон дар мавриди баҳс барои “сихкабоби хуҷандӣ” афзуд, ки иддаояшон барои тағйири чунин ному овезаҳо дар Душанбе ба маҳал ҳеч рабт надорад: “Ман аз фикрам даст намекашам. Ин ҷо мақсад маҳал набуд. Мақсад ин ҷо риоя накардани меъёрҳои забон ва қоидаҳои имло буд”.
Шарофзода афзуд, ки навиштаҷоте монанди “сихкабоби хуҷандӣ” бренд шуда наметавонад: “Мо ба мақомот ҳам муроҷиат кардему ҷавоб гирифтем, ки ягон ғизои миллӣ ягон вақт “бренд” шуда наметавонад”.

Дар мавриди иваз намудани номи “милитсия” ба “политсия”, ки дуюмаш ҳам тоҷикӣ нест, раиси Кумитаи забон илова намуд, ки феълан ба омӯзиши ин масъала гуруҳи кории махсус машғул аст.

Ин дар ҳолест, ки дар Тоҷикистон дар доираи ислоҳоти соҳаи мақомоти умури дохилӣ дар назар аст, ки милитсия ба политсия иваз карда шавад
Рамазон Раҳимзода, вазири умури дохилии Тоҷикистон мегӯяд, барои иваз намудани милитсия ба политсия 38 миллиону 454 ҳазор сомонӣ зарур аст.

Раҳимзода зимни нишасти матбуотӣ дар Душанбе изҳор дошт, ки барои тағйир додани номи милитсия ба политсия иваз намудани муҳр, навиштаҷоти биноҳо, воситаҳои нақлиёти хизматӣ ва сару либоси кормандон зарур аст: “Аз ҷумла барои иваз намудани мӯҳр – 153 ҳазор сомонӣ, навиштаҷот дар даромадгоҳи биноҳо – зиёда аз 74 ҳазор сомонӣ, дар воситаҳои нақлиёти хизматӣ беш аз 37 млн 720 ҳазор сомонӣ сарф мегардад”.

Мӯҳр

Хабарҳои монанд:

милитсионер

милитсия-хомии мардум ва нигахдорандаи тартиботи чамъияти,политсия нигахбони сарватмандону боени навбаромад дигар фаркияте нест,вассалом

Ҷавоб диҳед Иқтибос Шикоят

Чалолиддин

Мухтарам Раиси Кумитаи забонхо. Монед забонхои ягнобию бадахшониро, хамин забони точики омехтаи забони русию англиси шудааст хаминро начот додан даркор. Телевизионхои Точикистон аз сахар то бегох рекламаю ахбор нишон медиханд, ки бо забони кучагию авомона ва дагалу гушхароши аз фархангу забон дур мебошад. Як бор телевизионхои кишвари чангзадаи Афгонистонро бубинед, ки фасохати калом ва риояи забон ба чи шакл сурат мегирад. Ин рузноманигорони воситахои ахбори оммаи Точикистон аз мардуми хамзабони Афгонистон сабак гиранд бисёр нагз мешавад.

Ҷавоб диҳед Иқтибос Шикоят

Муталиб

Ҳадаф аз тағйир додани "милитсия" ба "политсия" дар чист?

вапҳҳҳҳҳҳҳҳҳҳҳҳ

Ҷавоб диҳед Иқтибос Шикоят

Freedom

Хамин шумо то кай Хучандихода бахили мекунед а???

Ҷавоб диҳед Иқтибос Шикоят

Нур

э мардум барои чандин бор таъкид мекунам, ки агар зарурати табдили номи милитсия ба политсия бошад, сахлангори нашояд. политсия боз хам шакли русист. Тамоми форсигуён ва аглаби кишвархо онро полис гуянд на политсия. З-ин ру котъиёна хохиш менамоям, ки агар ин вожаро кабул кардани бошед, ба шакли полис (пулис) бипазиред, чаро ки боз хам зарурати дубора иваз кардани он падид наояд.

Ҷавоб диҳед Иқтибос Шикоят

Рустам

Ин Шарофзодаро ба ягон мактаби миёна бурдан даркор, ки Алифборо дарс дихад, на ин ки раиси кумита.

Ҷавоб диҳед Иқтибос Шикоят

Солех

"Ман аз фикрам даст намекашам"... Ачиб, ибораи "аз фикрам намегардам"- ро шунида будам, вале "аз фикри худ даст (на)кашидан"-ро не. Аз коре даст кашидан Аз ичрои амале худдорИ кардан хам Хаст. аммо замоне гап дар бораи фикр ва ё сухани гуфта шуда равад, маъмулан мегУем: аз фикраш (гапаш) гашт (нагашт), суханашро рад кард.

* Ба ибораи "забонҳои помирию яғнобӣ" хам мешавад эрод гирифт. Ин ду чиз холо дар сатхи гУиш ва лаХЧа аст. Меъёрхои таъинкунандаи забонро надоранд. Ё ин талабот тагйир ёфта бошад? Ба фахмиши нав ва дар чунин сатх хар кор шуданаш мумкин....

Ҷавоб диҳед Иқтибос Шикоят

Чарогабдол

Cолехчон- уко аввал, лутфан, аз "меъёрхои таъинкунандаи забонро надоранд"-гупта, манзуратон чист? Агар бо забонхои помири ва ягноби сухбат кунанд, шумо матлаби сухбатро пурра фахмидан метавонед, ё не? Агар ифхому тафхиме надоред, пас инхо забонанд, на гуйиш ва лахча. Гуйишу лахча дар Точикистон ба лахчахои чануби, маркази ва шимоли точики мегуянд, зеро як дехкони вилояти Сугд забони кишоварзи Хатлониро 65% дарк мекунад. Як кудак ё кампири шугнонизабон гуфтори истикоматкунандаи нохияи Бобочон Гафуров Сугдро намефахмад, ё баръакс.Аз ин руй ибораи забонхои помири ва ягноби туппа тугри,- уко. Талабот мантики солим хаст, ягон зарра хам таъгир наёфтааст. Чащмхоро аз нав шуст дунёро бо аклу заковат ва хирад бояд дид.

Ҷавоб диҳед Иқтибос Шикоят

Солех

Чарогабдол-Уко, гапатон туппа тугрИ -боин. Хамин тур фикр кардан гиред. Худо хохад ба чое мерасем.

Ҷавоб диҳед Иқтибос Шикоят

Юсуф

Дар матн калимаи"инҷо" ҷудо омадааст, "ин ҷо", ки нодуруст аст. Маълум нест, ки ин шарҳи матбуот аст ё иқтибос аз матни Раиси кумитаи забони давлатӣ? Калимаҳои "инҷо" ва "ин ҷо" маънои гуногун доранд.
Дуруст аст, ки забонҳои яғнобӣ ва Бадахшон бояд ҳифз ва рушд ёбанд, вале вазъи забони давлатӣ беҳбудии ҷиддиро талаб мекунад. Забони тоҷикй (ё форсии тоҷикӣ) комилан фалаҷ гаштааст. Ба назари банда такмили забони давлатиро бояд аз худи раис хонуми Кумитаи забон шурӯъ кардан даркор.

Ҷавоб диҳед Иқтибос Шикоят

Эзоҳ илова кунед