20 май 2015 11:44Тоҷикистон / Дидгоҳи хос / Тема дня

Шарҳи вазир ва додситони кулл дар бораи "гумшавӣ"-и фармондеҳи “ОМОН”

Рамазон Раҳимзода, вазири умури дохилии Тоҷикистон хабари боздошти Гулмурод Ҳалимов, фармондеҳи Дастаи таъиноти махсуси ВКД ё “ОМОН”-ро бо шиносномаи тақаллубӣ дар Туркия рад кард.

Ҷаноби Раҳимзода имрӯз, 20-уми май дар ҳошияи ҷаласаи Маҷлиси намояндагон дар посух ба суоли “Озодагон” гуфт, хабари боздошт ва интиқоли Гулмурод Ҳалимов ба Душанбе ягон асос надорад. Ӯ ҳамчунин эҳтимоли пайвастани фармондеҳи “ОМОН”-и Тоҷикистонро ба созмони террористии “Давлати Исломӣ” рад кард. Вазири умури дохилӣ аз шарҳи бештар дар бораи ин қазия худдорӣ карда, ваъда дод, ки баъдан тамоми паҳлуҳоро ба намояндагони омма ироа хоҳад кард.

Юсуф Раҳмонов, додситони кулли Тоҷикистон дар мавриди овозаҳо оид ба гумшавӣ ва пайвастани Гулмурод Ҳалимов ба “Давлати Исломӣ” изҳор дошт, ин масъаларо меомӯзанд ва дар сурати дарёфти маълумот аз рӯи ин қазия парвандаи ҷиноӣ оғоз хоҳад шуд.

Ахиран, хабаргузории "Тоҷнюз" аз қавли манобеяш иттилоъ дод, ки Гулмурод Ҳалимов, фармондеҳи Дастаи таъиноти махсуси ВКД ё “ОМОН” бо шиносномаи тақаллубӣ дар Туркия боздошт ва ба Тоҷикистон оварда шудааст. Аз ин пеш хабаргузории “Азия Плюс” бо такя ба манобеи худ дар мақомот иттилоъ дод, полковник Ҳалимов вақтҳои охир ба фаъолияти созмони террористии “Давлати Исломӣ” майл дошта ва ҳудуди 10 шаҳрванди дигари кишварро ба ивази маблағ ба ин ҳаракат ҷалб намудааст.

Ин дар ҳолест, ки қаблан манобеи “Озодагон” дар мақомоти умури дохилӣ, хабари гумшавии полковник Гулмурод Ҳалимовро дурӯғ хонданд. Тавре бархе аз кормандони ин ниҳод ба “Озодагон” гуфтанд, Ҳалимов гум нашуда, балки дар рухсатии меҳнатӣ дар Туркия қарор дорад. Аммо пайвандони полковник Ҳалимов ба "Озодӣ" гуфтаанд, ӯ субҳи 23 апрел бо ваъдаи он ки пас аз 3 рӯз бармегардад, аз хона берун шуда, то ҳоло бенишон аст. Назир Ҳалимов, бародари 28-солаи Гулмурод Ҳалимов дар сӯҳбат ба ин радио нопадид шудани ӯро тасдиқ карда, гуфтааст, телефонаш хомӯш аст, аз худ хабаре надодааст, вале таъкид намуда, ҳаргиз дар андешае набуд, ки ба Сурия равад.

Гулмурод Ҳалимови 40-сола, ки тайи се соли охир вазифаи сардори Дастаи таъйиноти махсуси Вазорати корҳои дохилии Тоҷикистонро ба уҳда дорад, соли гузашта бо фармони вазир унвони полковникиро гирифт. Ӯ, ки маълумоти олии ҳуқуқӣ дорад, барои шуҷоату мардонагӣ дар амалиётҳои гуногун дар минтақаҳои Тоҷикистон бо ордену медалҳо сарфароз гардидааст.

Мӯҳр

Хабарҳои монанд:

Соро Набиева

Гулмурод Халимов як корманди макомоти орган набояд ба ин корхои нопок даст занад чехрааш ба одами бад монанд нест .

Гулмурод Халимов ба ин хел одам монанд нест.

Ҷавоб диҳед Иқтибос Шикоят

TOJIK xoja

chehrai Гулмурод Халимов ba odami bad monand nest HAMCHUN ODAMI VATANDUST MILLAT DUST AYON AST BO ALLOH DONOTAR AST AZ DILHOI MO , ASOS HAMINKI XUDKUSHI NAKARDABOSHAD SHID YO AZ YAGON OSHYONA XUDASHRO NAPARTOFTABOSHAD SHUD DIGAR HAMAI KOR ,HATTO SABABHOI XUDKISHIHAM BO GUZASHTI AYYOM ZOHIR XOHAD SHUD

Ҷавоб диҳед Иқтибос Шикоят

Озодагон хами якчира садфоиза карда бад нависед намешавад дигар шумо шира сафед гуед бовар намекунем илтимос хабаро аник карда бад нависед

Ҷавоб диҳед Иқтибос Шикоят

Эзоҳ илова кунед