27 фев 2015 11:02Тоҷикистон / Сиёсат / Рӯ ба рӯ / Тема дня

Минатдории Эмомалӣ Раҳмон аз вакилони парлумони Тоҷикистон

Шукурҷон Зуҳуров, раиси Маҷлиси намояндагони Маҷлиси олӣ дар охирин ҷаласаи даъвати чоруми парлумон фаъолияти панҷсолаи палатаи поёниро касбӣ хонда, ба он баҳои баланд дод.

Ба қавли ӯ, дар ин панҷ сол вакилон бештар ба боварии интихобкунандаҳо сазовор шудаанд. Ҷаноби Зуҳуров ба дарёфти беш аз 4 ҳазор дархости хаттӣ ва 31 ҳазор дархости шифоҳии мардум ба Маҷлиси намояндагон ишора карда, гуфт, ҳамаи он аз сӯи вакилон баррасӣ ва аксарият ҳалли худро ёфтанд. Дар ҷаласаи рӯзи 27 феврал раиси палатаи поёнии парлумон аз ҳамкории хуб миёни идораҳои давлатӣ изҳори қаноатмандӣ кард. Вай гуфт, зимни қабули лоиҳаи қонунҳо назари созмонҳои ғайридавлатӣ ва байналмилалӣ ба назар гирифта шуданд.

Шукурҷон Зуҳуров афзуд, қонунҳое, ки дар ин панҷ сол қабул шуданд, ба рушди иқтисодиёт ва беҳтар шудани фазои сармоягузорӣ нигаронида шудаанд. Ба гуфтаи ӯ, ҷаласаву муҳокимаҳои мунтаззам дар парлумон сабаб шуданд, то раҳбарияти идораҳо масъулият ҳис намуда, маблағҳои буҷавиро мақсаднок истифода баранд. Ҷаноби Зуҳуров дар идома изҳори минатдории Эмомалӣ Раҳмон, раиси ҷумҳури кишварро ба вакилони даъвати чорум расонида, аз ВАО-и давлативу ғайриҳукуматӣ барои пахши гузоришҳои беғараз изҳори сипос намуд.

Дар поёни суханронии худ ӯ аз вакилоне, ки дар даъвати панҷум вориди парлумон мешаванд, даъват намуд, бештар бо мардум наздик шаванд ва ҳангоми таҳияи қонунҳо онро ба санадҳои байналмилалӣ мутобиқ созанд.

Мӯҳр

Хабарҳои монанд:

вакил

Парлумонеро,ки раиси хукумат таъйин мекунад на мардум, парумон гуфтан хам айб аст. Парлумони оянда хам хеч фарке аз парлумони гузашта намекунад бо ин фарк ки бадтар мешавад, чунки интихобот нашуду интисобот шуд.

Ҷавоб диҳед Иқтибос Шикоят

brat

Ba vakil: in kadar mardumi noshukred. 1 bor ba joi tangnazari navis ki rahmat ba parlumoni kasbi. Boz HNIT vakilora monda kapidast gapa ki raisoni shahru nohiaho ham intixobi shavand. Zinda bosh vakili tangnazar.

Ҷавоб диҳед Иқтибос Шикоят

Фаро ш.Кулоб

Обод бошед Рохбарони Давлат барори кор ба хамаи шумо.

Ҷавоб диҳед Иқтибос Шикоят

Садриддин

Асосаш дар ватанамон сулху субот, ороми хукумфармо буд,ки яке аз нишонахои хамдигарфахмии мардуми кишвар бо Парлумон ба хисоб меравад. Ё мехохем чун Афгонистони хамсоя як умр халкамон зери бори таънаю маломати дигар кишвархою миллатхо бошанд ? Дуруст аст,ки Парлумони касбии мо бехбудиро мехохад. Агар нангу номуси милли дошта бошанд, дар гами бехбудии мардуму диёр захмат кунанд иншооллох яке аз Парлумонхои пешрафтаи дунё мегардад. Факат, ки аз мардум дури начуянд Барору комёби ба Парлумони нав !

Ҷавоб диҳед Иқтибос Шикоят

Эзоҳ илова кунед