Зоиров дар TV: Қории Қуръонам, аммо Исломро бо сиёсат олуда намекунам
Раҳматилло Зоиров дар хитоб ба мардум гуфт, Ҳизби сотсиал-демократ ҳизби мубориз, қонуният ва ҳизби таъминкунандаи адолати иҷтимоӣ дар Тоҷикистон буда, тақдири имрӯз ва ояндаи кишвар мебошад: “Аз ин рӯ ба ҳизби Ҳизби сотсиал-демократи Тоҷикистон овоз диҳед”.
Зоиров инчунин қайд намуд, дар ҳизбаш нафароне ҷамъ гаштаанд, ки воқеан ҳам афроди арзандаанд.
Раиси Ҳизби сотсиал-демократи Тоҷикистон илова кард, ки аксарият дар ҳизбаш мусалмон ҳастанд, вале дини Исломро ба интихобот олуда кардан даркор нест. Номбурда иброз дошт, дин бояд дар соҳаи маънавиёт, фарҳанг амал карда тавонад: “Ин мазмуни онро надорад, ки мо арзишҳои дини Исломро истифода накунем, албатта худи ман бевосита аз 12 солагиям қории Қуръон мебошам, лекин ман ягон маротиба, дар ягон баромадам қории Қуръон гуфта, худро бисёр таърифу тавсиф накардаам. Ғайр аз ин, аз авлоди Шайх Умари Бостонӣ, абераи Хоҷа Аҳрори Валӣ ҳастем ва аз рӯи эътиқоде, ки ба Ислом дорем, динро дар масъалаҳои сиёсӣ истифода намекунем. Ин мавзӯъ бояд дар Тоҷикистон аз нав баррасӣ карда шавад ва мо Исломро дар ҳақиқат муқаддас дониста, эҳтиром карда, онро дар соҳаи фарҳангу маънавиёт истифода бурда, бевосита якдигарфаҳмӣ дар ҷомеаро таъмин карда тавонем”.
Раҳматилло Зоиров дар масъалаи миллият ва миллату давлатдорӣ иброз дошт, ки дар Тоҷикистон тибқи моддаи 6-и Сарқонуни кишвар ҳама шаҳрвандон новобаста аз миллияти онҳо ё ин, ки эътиқоди динияшон, халқи Тоҷикистонро ташкил медиҳад: “Яъне дар ин мазмун халқи Тоҷикистон, давлати Тоҷикистон ва миллати Тоҷҷикистон ин як аст. А аз нигоҳи миллият-миллияти тоҷик, миллияти узбек, миллияти рус, қазоқу қирғизу дигар дорем, лекин як миллат дорем ин ҳам миллату давлати Тоҷикистон”.
Раиси ҲСДТ баромади пешазинтихоботияшро дар баробари забони тоҷикӣ, инчунин бо забони узбакӣ ва русӣ ироаи омма кард.
То кунун дар баробари Раҳматилло Зоиров, Шодӣ Шабдолов, раиси Ҳизби коммунистӣ,Муҳиддин Кабирӣ, раиси Ҳизби наҳзати исломӣ, Абдуҳалим Ғаффоров, раиси Ҳизби сотсиалист ва Сайидҷаъфар Исмонов, раиси Ҳизби демократии Тоҷикистон барномаҳои худро тавассути Шабакаи аввали телевизион муаррифӣ кардаанд.
Комиссияи марказии интихобот ва раъйпурсии Тоҷикистон ба аҳзоби сиёсии кишвар, ки барои иштирок дар интихоботи парлумонии 1 марти соли равон расман ба қайд гирифта шудаанд, ба хотири муаррифии барномаҳо тавассути шабакаҳои давлатии телевизион 40 дақиқа вақт додааст. Номзадҳо аз ҳавзаҳои якмандатӣ бошанд, 20 дақиқа фурсат доранд, то аз тариқи шабакаҳои давлатӣ барномаҳои худро муаррифӣ кунанд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
