03 фев 2015 09:43Оcиёи Марказӣ / Тоҷикистон

Супоришҳои Убайдуллоев барои нигоҳубини роҳҳои мошингард

Маҳмадсаид Убайдуллоев, шаҳрдори Душанбе бо баргузории як ҷаласаи кории васеъ масоили марбут ба нигоҳубини роҳҳои мошингарду пиёдагарди пойтахтро баррасӣ карда, барои ҳалли мушкил ба масъулин супоришҳо низ додааст.

Шавкат Саидов, сухангӯи шаҳрдори пойтахт дар суҳбат бо “Озодагон” гуфт, дар ҷаласаи мазкур масоили нигаҳдошти хиёбон, кӯчаю роҳҳои нақлиётӣ, маҳаллагузар ва пиёдароҳҳо аз тарафи раёсатҳои истифодабарии роҳҳои ноҳияҳо ва дар ин ҷода ҷалби зарфиятҳои соҳибкорон ва дигар шахсони воқеию ҳуқуқӣ матраҳ шуда, ба масъулини супоришҳо дода шудааст.

Ба гуфтаи сухангӯи шаҳрдории Душанбе, Убайдуллоев дар ин ҷаласа низ фаъолияти шабонарӯзии ситодҳои шаҳрию ноҳиявӣ оид ба зимистонгузарониро баррасӣ кардааст. “Сарфаву сариштакорона истифодабарии нерӯи барқ ва пардохти ҳаққи барқи истифодашуда дар шаҳр, беҳбудбахшии вазъи санитарию эпидемиологӣ дар шаҳр, бахусус дар муассисаҳои томактабӣ, таълимию тандурустӣ, таъминоти аҳолӣ бо оби нӯшокӣ, хизматрасонии нақлиёти ҷамъиятӣ, иштироки фаъолона дар маъракаҳои интихоботӣ, вусъати ҷараёни ниҳолшинонию хуррамгардонии марзи маъмурии шаҳр ва омодагиҳо ба истиқболи Наврӯзи байналмилалӣ низ аз мавзуъҳои баррасӣшуда мебошанд”,- афзуд оқои Саидов.

Инчунин, бо иштироки тарроҳон ва роҳбарони субъектҳои саноати дӯзандагии пойтахт масъалаи таъмини рақобат ва бо роҳи пешниҳоди моли хушсифат ба даст овардани боварии истеъмолкунандагони шаҳр густариши истеҳсоли сару либоси мактабӣ барои эҳтиёҷоти мактабиён ва либосҳои шинами корӣ барои кормандони дигар соҳаҳои хоҷагидории шаҳр низ муҳокима шудаанд.

Мӯҳр

Хабарҳои монанд:

мустафо

Ман рости аз ин Убайдуллоев ва ваъдахои У хаста шудам ва дигар умеде ба у надорам. Ман сокини кучаи Лучоби нохияи Сино худ шохиди ду бор рафтани Убайдуллоев тули се соли охир ба ин махалла будам ва хар сол хам ваъдаи пуч. Дар ин махаллаи мо ки ягон чои он ба шахр монанд нест мардумро ичборан гову бузу хатто мургхояшонро ичборан ё мусодира карданд ва ё мачбуран баъзеашлнрл хужашлн тибки баъзе миш мишхо клент ёфта фурушониданд. Вале дар иваз чи кор карданд бо мувофика бо раиси махаллаи пешини ин махалла Лакаев ва Бародари муллои чодугар Убайдулло нисфи кабристонро фурухтанд ва тавассути хамин раиси махалла дар ин чо ки аслан эхтиёч ба об надоштанд рохи мошини дурустро канда трубаи пусидаро чо кардда об мекашонем гуфта тамоми роххоро вайрон карданд ки албатта ин як лоихаи ба фикрам хоричи буд. сипас то хол мохи гузашта охирин бор муовини У Хайринисо Юсуфи омада бо ваъда кард ки як мох пас таъмирро сар мекунем. Бузак Бузак намир бахор мерасад. Ё роххои моро соз кунед ё гову бузу бузголахоямонро бар гардонед дигар аз дуруг хаста шудем.

Ҷавоб диҳед Иқтибос Шикоят

Эзоҳ илова кунед