09 янв 2015 17:02Тоҷикистон / Иҷтимоӣ / Рӯ ба рӯ / Тема дня

Шикояти “Тоҷикстандарт” аз фиребкориҳои “Барқи тоҷик” ба ҳукумат

Агентии “Тоҷикстандарт” мегӯяд, ширкати “Барки тоҷик” зимни пешниҳоди ҳисобкунакҳояш барои санҷиш ба таъхиркорӣ роҳ медиҳад ва ҳатто дар бархе аз ҳолатҳо ин вазифаи худро ба дӯши муштариёнаш мепартояд.

Шукурзода Бахтиёр, директори Агентии «Тоҷикстандарт” имрӯз, 9-уми январ зимни нишасти матбуотӣ дар Душанбе гуфт, ба далели саривақт пешниҳод нашудани ҳисобкунакҳо аз ҷониби “Барки тоҷик” нақшаи санҷиши ин ҳисобкунакҳо зиёдтар аз 50% иҷро нагардид.

Ҷурахон Раҳимов, сардори Раёсати таъминоти метрологӣ, воситаҳои ченак ва акредитатсияи Агентӣ дар суҳбат ба “Озодагон” гуфт, ҳисобкунакҳои якфаза бояд дар 8 сол ва ҳисобкунакҳои сефаза дар чор сол як бор бояд аз санҷиш гузаронда шавад. Ӯ таъкид намуд, ки “пешниҳоди ҳисобкунакҳои барқӣ ба уҳдаи “Барқи тоҷик” аст, вале дида мешавад, ки худи муштариён ҳисобкунакҳои барқии худро гирифта, ба Агентӣ меоранд.”

Ба иттилои “Тоҷикстандарт” тибқи нақша бояд “Барқи тоҷик” моҳе 414 ҳисобкунаки сефазагӣ ва 8 ҳазору 337 адад ҳисобкунаки якфазагӣ барои санҷиш пешниҳод мекард, аммо амалӣ накард: “Яке аз мушкилоте, ки ба таъмини саросарии ченаки ягона дар кишвар таъсири манфӣ расонида, ба талафоти нерӯи барқ мусоидат менамояд, ин иҷро нагардидани нақшаи санҷиши ҳисобкунакҳои барқӣ мебошад. Тибқи стандартҳои байналмилалӣ аз се як ҳиссаи талафоти барқ ба санҷиш накардан ва ё корношоям будани воситаҳои ченак вобастагӣ дорад.”

Масъулони “Тоҷикстандарт” инчунин таъкид намуданд, ки дар шабакаҳои барқи Душанбе навъҳои воситаҳои ченаке истифода мешаванд, ки дар Феҳрасти давлатӣ ба қайд гирифт нашудаанд: “Яъне бе иҷозати расмӣ барои истифода дар қаламрави Тоҷикистон солҳост, ки кор фармуда мешаванд, ки ин хилофи талаботи қонун “Дар бораи таъмини ченаки ягона” мебошад”.

Масъулини “Тоҷикстандарт” афзуданд, ки барои роҳ додан ба чунин камбудиҳо ва дағалона вайрон намудани қонунгузорию қоидаҳои метрологӣ се бор ба роҳбарияти “Барки тоҷик” ва ҳукумати Тоҷикистон мактуб ирсол кардааанд: “Ҳукумат ба “Барқи тоҷик” супориш дод, ки камбудиҳоро рафъ кунад, аммо ин мушкилот то ҳол ислоҳ нашудаанд. Бояд масъалаи мазкур дар сатҳи болоӣ баррасӣ ва ҳал шавад.”

Тибқи иттилои расмӣ дар Тоҷикистон 1 миллиону 146 ҳазору 196 муштарӣ ҳисобкунаки барқии якфаза ва аз 26046 муштарӣ ҳисобкунаки сефаза доранд.

Мӯҳр

Хабарҳои монанд:

мутахасиси соха

Точикстандарт дуруг мегуяд дар бораи азсанчиш гузарондани хисобкунакхои нав воридшуда. Дар вактхои санчиш хангоми адои вазифа маълум мешавад ки хисобкунакхои нав воридшуда бе ягон санчиши лабаратори тамгаи гостандарт зада шудааст.Хатто дар муруаватхои хисобкунакхо тамгахое ки аз хорича меоянд канда нашудааст.Холо онки аз лабаратория гостандарт гузаронида шуда бошад бояд ки муруватхои хисобкунак кушода шудабошад ва тамгахои хоричи кандаги бошад.

Ҷавоб диҳед Иқтибос Шикоят

мутахасиси соха,

Рост мегуяд Точикстандарт. Ман шахсан ду маротиба хисобченкунакхои худро ба Барки Точик барои тамга задан бурда будам. Хол он ки ин кори ман нест. Худи барки Точик бояд омада онро дар хонаи ман тамга бизанад.

Ҷавоб диҳед Иқтибос Шикоят

Тезрав.Исфара

То.стандарт дар ин бахс мутлако хак нест.зеро он на гами дуруст кор кор кардани ченкунакхоро дорад, балки дар гами ба даст овардани маблаги калони бе дарди миёне мебошад, ки метавонад аз ин "марака" ба даст орад. Ман хисобкунакамро бо 15 сомони ба точстандарт бурда будам, шахси масъулаш хатто дониши кофи надошт (хатто ба кучо бояд пломба занад намедонист), аммо гиоифтани пулро хуб медонист.
Умуман ман фикр мекунам, ки таъмини санчиш ва кори дурусти хисобкунакхоро ба души худи Точбарк гузоштан зарур аст , чунки чамоварии маблаги фуруши барк ба зиммаи ин муассиса аст.Точстандарт бошад назорат кунад, ки барк бо сифати зарури ва бе танаффусхои зиёдати ба андозсупорон (шахрвадони мамлакат) , ки аз хисобашон хамин Точстандартхам зиндаги мекунад, таъмтн карда шавад. ФКАТ БО САБАБИ ПАСТ БУДАНИ ШИДДАТИ ШАБАКА(ба чои 220В +-7÷15%, 140В) КИ ГУФТА МЕТАВОНАД, КИ ЧИ МИКДОР ЯХДОНУ КОМПЮТЕРХО ВА ДИГАР АФЗОРХОИ БАРКИИ МАРДУМ АЗ КОР МЕБАРОЯНД. ИНРО КИ НАЗОРАТ МЕКУНАД?!!!!!

Ҷавоб диҳед Иқтибос Шикоят

....

Тезрав.Исфара,

Шумо бутун хафтафахм будед тасаддук. Дурусттар хонед маколаро. Точикстнадарт гуфтааст, бояд Бакри точик ченкунакхоро гирифта ба Точикстандарт барои тамга задан барад, на ин ки ману шумо. Ба манфиати шумо гап мезанад, шумо бошед ким чихо гупта гаштед.

Ҷавоб диҳед Иқтибос Шикоят

Эзоҳ илова кунед