09 дек 2014 12:13Оcиёи Марказӣ / Тоҷикистон
Тасдиқи афви Холиқзода ва пушаймонияш аз барбоди 8 соли корӣ
Холиқзода моҳи сентябри соли равон Зеварбону Пирова, кӯчарӯби 53-ро дар назди меҳмонхонаи “Ҳаят Реҷенсӣ” дар хиёбони Исмоили Сомонӣ пахш намуда, ба гуфтаи шоҳидон аз ҷои ҳодиса ғайб задааст. Аммо баъдан ин ёвари 31-солаи додситони ноҳияи Исмоили Сомонӣ, писари Кароматуллоҳ Холиқов, собиқ декани факултети ҳуқуқшиносӣ тибқи қонуни нави афв озод шудааст.
Фахриддин Додометов, додраси додгоҳи Душанбе низ қарори афви Холиқзодаро бетағйир гузошта, изҳор дошт, ки наздикони кӯчарӯби марҳум ҳаққи талаби ҷуброни зарари моддию маънавиро доранд.
Мурод Мирзоев, шавҳари Зеварбону аз ин қарори додгоҳ изҳори норизоӣ кард. Ӯ мегӯяд, афви Холиқзодаро аз рӯи иттиҳоми садамаи маргбор қабул дорад, вале бо навиштани аризаи кассатсионӣ хост, Холиқзодаро аз рӯи иттиҳоми дар ҳоли хатар гузоштани инсон ба ҷавобгарӣ кашанд.
Дар мавриди талаби ҷуброни моддию маънавӣ Мурод Мирзоев изҳор дошт, ки барои талаби он ба додгоҳ муроҷиат хоҳанд кард. Ӯ афзуд, ки феълан дар мавриди ҳаҷми ҷуброн фикр накардаанд ва хулосаи дақиқе надоранд.
Оилаи ҷабрдида аз он шикоят дорад, ки Холиқзода боре ҳам аз онҳо узр нахостааст ва баъди афв аз ҳолашон хабар нагирифтааст. Мурод Мирзоев мегӯяд, зимни баррасии парванда дар додгоҳи ноҳиявӣ Холиқзода дар хитоб ба онҳо гуфт, “барои Шумо 8 соли собиқаи кориям дар мақомот барбод рафт.”
Ин дар ҳолест, ки худи Холиқзода қаблан дар суҳбати кутоҳе бо “Озодагон” сарусадо дар бораи маст буданашро рад кард ва изҳор дошт, ки аз ҷои ҳодиса низ нагурехтааст.
Ҳодисаи пахши Зеварбону Пироваи 53-сола, ки ба ҳайси кӯчаруб фаъолият дошт, субҳи 28 сентябр ҳангоми тамиз кардани роҳи назди меҳмонхонаи “Ҳаят Реҷенсӣ” дар хиёбони Исмоили Сомонӣ рух дод. Ҳамкорони Зеварбону, ки шоҳиди ҳодиса будаанд, дар суҳбат бо "Озодагон" гуфтанд, қазия соати 4:30 дақиқа рух дод: “Мошин баъди он ки Зеварро пахш кард, ҳатто суръатро паст накарда ҳамчунон ба роҳаш идома дод. Вақте ду ҳамкори дигарамон ин ҳодисаро диданд, аз тарс аз ҳуш рафтанд. Онҳоро ба Қарияи Боло бурданд” -гуфтанд тамизкорон. Наздикони Зеварбону ба “Озодагон” гуфтанд, суръати мошин ба ҳадде баланд будааст, ки ҷасади марҳумро ба қисмҳо ҷудо кардааст.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Декабр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | |||||
