22 авг 2014 09:45Тоҷикистон / Иҷтимоӣ

4 000 сомонӣ ҷарима барои монеъ шудан ба таҳсили Муҳаммаду Манижа

Додгоҳи ноҳияи Исмоили Сомонии шаҳри Душанбе як сокини пойтахтро ба ҷурми монеъ шудан ба таҳсили фарзандони мактабхонаш чор ҳазор сомонӣ ҷарима бастааст.

Ҷӯрабек Бачаев, додраси парванда, гуфтааст, Шайдулло Назаров дар соли хониши 2013-2014 нагузоштааст, то Муҳаммади 14-солаву Манижаи 13-сола ба таҳсили худ идома бахшанд.

Ба қавли Бачаев, Шайдулло Назаров ҳамчун падар вазифаи худро дар мавриди ба таълим фаро гирифтани фарзандони ноболиғаш иҷро накарда, муқаррароти қонун дар бораи маориф ва масъулияти падару модарро нақз кардааст.

“Бар асоси талаботи моддаи 46-и Қонун “Дар бораи маориф” падару модар ӯҳдадоранд, ба фарзандон барои гирифтани таҳсилот дар муассисаҳои таълимӣ мусоидат намуда, дар хона шароит муҳайё кунанд, бо раванди таълиму тарбия, мазмуну давомоти таҳсил ва сатҳи дониши фарзандонашон ошно шаванд. Инчунин, тибқи талаботи моддаи 9-и Қонун “Дар бораи масъулияти падару модар дар таълиму тарбияи фарзанд” волидон вазифадоранд, бо таълим фаро гирифтани фарзандро таъмин намуда, ба таҳсили ӯ дар муассисаҳои таҳсилоти миёнаи умумӣ монеъ нашаванд, фарзандро ба воситаи таълим таъмин карда, барои хондани ӯ шароити муносиб муҳайё кунанд”,-гуфтааст Ҷӯрабек Бачаев, додраси Додгоҳи ноҳияи Исмоили Сомонӣ.

Мӯҳр

Хабарҳои монанд:

Freedom

Аз пеши рохи тахсилро гирифтан одам куштан 100 маротиба гунохаш сабуктар будааст

Ҷавоб диҳед Иқтибос Шикоят

Фалес

Ин Шайдулло падар шароит надоштааст ё ба умеди ягон мулло монеъи таълими фарзандон дар мактаб шудааст.

Ҷавоб диҳед Иқтибос Шикоят

мадамин

чаро як хело барин 120 сомони нею яку якбора 4000 сомон?

Ҷавоб диҳед Иқтибос Шикоят

Вайс

сабабаш дар чи бошад? шояд дар мактаб бо бахонаи чой набудан фарзандони онхоро кабул накардаанд, ё падари онхо имиконияти хариди либосхои мактабиро надошт?

Ҷавоб диҳед Иқтибос Шикоят

Фируз

Ман ҳам бошам рози намешавам ки фарзандонам дар чунин мактабҳои тоҷикистон таҳсил кунанд.
Якумаш ки дуруст нест дар як синф баччаҳову духтарҳо дарс хонвнд.
Дувумаш ки дар мактабҳои душанбе фасоди ахлоқи зийодаст.
Духтарҳову бачаҳо ба корҳои зино даст мезананд.

Ҷавоб диҳед Иқтибос Шикоят

Тахмурас

Журналистони мухтарам! Як бор аз хамин додраси парванда (тумтарок номе) пурсед, ки бо кадом сабаб ин мард бачахоша хондани намондаст. Шояд имкон надошт. Агар хамин хел аст, чарима кардани чунин мард аблахтарин амал аст! Аммо агар ин мард зурдасти карда монеъи тахсили фарзандонаш шуда бошад, пас гапи дигар. Аммо, журналистони мухтарам, вазифаи шумо дакик кардани хабар ва дакик расонидани он аст!

Ҷавоб диҳед Иқтибос Шикоят

беном

барои катли 3 нафар 120сомони аммо барои ин кор 4000сомони
бубин тафовути рох аз кучост то ба кучо

Ҷавоб диҳед Иқтибос Шикоят

Эзоҳ илова кунед