15 авг 2014 17:10Тоҷикистон / Иҷтимоӣ

Савол аз муҳоҷирон: Дар ҷанги соли 1812 кӣ ба Русия ҳуҷум кард?

Вазорати маориф ва илми Русия намунаи санҷишҳои тестӣ барои муҳоҷирон аз мавзӯъҳои “Таърихи Русия” ва “Асосҳои қонунгузории Федератсияи Русия” пешниҳод кардааст.

“Ҳар мавзӯъ аз 20 суол иборат буда, се варианти ҷавоб дорад. Барои иҷрои як фан на бештар аз 35 дақиқа вақт дода мешавад”,-навиштааст Интерфакс.

Барои бомуваффақият супоридани санҷиш аз таърих, муҳоҷиронро зарур аст бидонанд, ки княз Владимир дар асри 10 барои Русия кадом динро интихоб кардааст, дар ҷанги ватании соли 1812 кӣ ба Русия ҳуҷум кард ва он замон фармондеҳии артиши Русияро кӣ бар зимма дошт ва монанди инҳо.

Ба ҷуз ин, муҳоҷирон бояд нишон диҳанд, ки 7 январ русҳо Иди қурбон, Рӯзи байналмилалии занон ё Милодро ҷашн мегиранд. 20 саволи фанни дигар аз қонунгузории Русия бошад, нишон медиҳад, муҳоҷирон медонанд, ки нишон ва парчами Русия чӣ гуна асту асъори миллияш кадом.

Ёдовар мешавем, шурӯъ аз 1 январи соли 2015 барои муҳоҷирони меҳнатӣ доштани сертификат дар мавриди супоридани тест ҳатмӣ аст.

Мӯҳр

Хабарҳои монанд:

Куликов

Агар ин саволхои тестиро барои гирифтани шахрванди Руссия пешниход мекарданд, мантик дошт. А так ин хандаовар аст.

Ҷавоб диҳед Иқтибос Шикоят

Рудаки

Шояд барои мухочиршавандагон ин фоида дошта бошад, аммо барои воситаои ахбор ин айб аст, ки чунин хабархоро пахш мекунед. Мебахшед мухочир таърихи халки худро намедонад, айб аст, миллат аз байн меравад, афсуссс!

Ҷавоб диҳед Иқтибос Шикоят

марди точики мухочир

аузубиллах инхо фикр мекунан ки мо точикон мисли гов йо гусола хастем хамин саволхоро аз худи ин кофирони рус бипурсед валлохи намедонанд ин як политикаи хукумати рус аст то инки оянда тамоми снгро евразия мисли сссри комунистон ташкил дихад ..............

Ҷавоб диҳед Иқтибос Шикоят

Эзоҳ илова кунед