24 июл 2014 11:20Тоҷикистон / Акс
Бӯйи бади партовҳо дар Душанбе: Айби сокинон ё мақомот? (АКС)
Дар ин рӯзҳои гарми тобистон бӯи бад ва тӯдаи партовҳо дар назди бинову сари кӯчаҳои Душанбе сокинонро дилгир кардааст. Агар дар гузашта барои ин кор танҳо аз мақомот интиқод мешуд, ки дар ҳалли ин масъала нотавонанд, аммо бо худи сокинони пойтахт чӣ шудааст?
Малика, як сокини шаҳри Душанбе, мегӯяд, пеш аз ҳама, мақомот талош кунанд, ки дар ин рӯзҳои гармӣ партовҳоро зуд-зуд бигиранд. “Ба андешаи ман, бояд дар назди партовгоҳҳо камераи назоратӣ гузошта шавад, то бубинанд, дар кадом вақт партовҳоро мегиранд ва худи сокинон ҳам ба чӣ шева партовҳояшонро ба қуттӣ мерезанд ё дар наздикиҳои он мегузоранд”,-мегӯяд Малика.
Як омӯзгори мактаби миёнаи пойтахт, ки нахост номаш ифшо шавад, гуфт, «ин мардум, ба қавли устод Айнӣ, «дохунда» мебошанд. Баъзе аз ин «дохундаҳо» дар ҷомеа ҷои худро пайдо карда ва ба маданияти шаҳрнишинӣ мутобиқ шудаанд, аммо дигарон то ҳол фикр мекунанд на ба шаҳр, балки ба қишлоқи калон омадаанду одоби шаҳрнишиниро қабул накардаанд. Дар деҳаҳо, деҳотиҳо аз сокинони пойтахт тозатаранд». Мусоҳиби мо афзуд, чанд бор бо ҳамсояаш дар мавриди дуруст партофтани партовҳо дар партовгоҳҳо сӯҳбат кардааст, аммо ҳамааш бидуни таъсир: “Баъзеаш шавҳарашро ба сари ман оварда буд, ки чаро ба ӯ кордор мешавам?”
Ин дар ҳолест, ки муссисаи давлатии обуҳавошиносӣ хабар дода буд, ки ҳамин рӯзҳо дар Тоҷикистон ҳаво наздики 50 дараҷа гарм мешавад. Дар ин гармӣ партовгоҳҳо пур ҳастанду бӯи бади онҳо атрофро фаро гирифтааст ва роҳгузарону сокинони биноҳои наздик ба онро нороҳат мекунад.
Сокини шаҳр Раъно Гулова, ки дар бинои баландошёна зиндагӣ мекунад, мегӯяд, партовҳои хонаҳои баландошёна дар як ҳафта як бор тоза мешавад: «Дар як моҳ сӣ сомонӣ аз мо талаб мекунанд. Дар ин гармӣ ҳар бегоҳ баъди рӯзакушоӣ ҳама боқимондаи тарбузу харбуз мепартоянд, ки дар ним соат зери офтоб бӯяш ҳамаро фаро гирифта, дар хонаю берун нафас кашида намешавад.”
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
