17 июн 2014 15:19Тоҷикистон / Иҷтимоӣ / Акс

3 000 сомонии Саймуъмин Ятимов барои табобати Шаҳбол (АКС)

Масъулони Сарраёсати Қушӯнҳои сарҳадии Кумитаи давлатии амнияти миллии Тоҷикистон дар ҷавоб ба номаи Нуриддин Қаршибоев -- раҳбари Анҷумани миллии расонаҳои мустақил ё НАНСМИТ тамоми маблағеро, ки барои дорву дармони Шаҳбол Мирзоев, сарбози латту кӯбшуда, сарф намудаанд, ҳисоб кардаанд.

Дар посухи онҳо омадааст, барои табобати Шаҳбол аз 7 март то 27 апрели соли ҷорӣ, дар маҷмуъ, 7 ҳазору 252 сомониву 32 дирам сарф шудааст. Ин ниҳод дар идома навиштааст, 18 май, баъд аз анҷоми амалиёти ҷарроҳӣ дар Русия Шаҳбол Мирзоев ба шӯъбаи эҳёгарии беморхонаи шаҳри Хуҷанд дар ҳолати вазнин оварда шуда ва қисми зиёди доруву дармонаш аз сӯи беморхонаи вилоятии Суғд мебошад.

“Бояд қайд кард, ки падари Шаҳбол Мирзоев аз ҳисоби госпитали ҳарбии “Суғд” бо маводи ғизоӣ ва доруворӣ таъин намудани беморро қатъиян рад кардааст, лекин бемор аз назорати духтурон дур нест”,-гуфта шудааст дар нома.

Дар мактуби масъулони Сарраёсати Қушунҳои сарҳадӣ омадааст, сарбозони қисми ҳарбии 2939 ва 9829 барои табобати Шаҳбол 5 литр хун супоридаанд. Инчунин, ба гуфтаи онҳо, барои табобати Шаҳбол Мирзоев раиси Кумитаи амнияти давлатии миллии Тоҷикистон Саймуъмин Ятимов 3 ҳазор сомонӣ ва фармондеҳи Қушӯнҳои сарҳадӣ Раҷабалӣ Раҳмоналӣ 2 ҳазору 230 сомонӣ кумаки яквақтаина расондаанд.

Мӯҳр

Хабарҳои монанд:

Точики Озод

Он чи ки аён аст, хочат ба баён несттттттттттттт................................

Ҷавоб диҳед Иқтибос Шикоят

Сафар

Барои чи рохбарон пулро аз кисаи худашон додаанд? Бояд тартиби таъмини эхтиёчоти сарбози мачрухшуда конунан пешбини шуда бошад. Умуман, бояд:
А. Ба хар сарбоз (афсар)-и хангоми хизмати харби мачрухшуда хакки хизматрасонии тибби (инчунин харочоти дигари вобаста) чуброн ва нафака барои давраи табобат (дар сурати корношоями- нафакаи якумра) таъмин гардад.
Б.Дар сурати марг нафакаи баланд ба фарзандон (ё ба волидон, зеро писарон таъмини волидонро дар пириашон хам ба ухда доранд) дода шавад.
(Кисман албатта маблагхои боло аз нафарони ба чунин холат гунахгор бояд руёнида шаванд.)
В. Агар чарохат дар рафти амалиёти чанги бардошта шавад, кумакпулии якдаъфаина ва сипас нафакаи махсусан баланд (бо назардошти дарачаи вазнинии чарохат) таъин гардад.
Г. Дар сурати марг дар рафти амалиёти чанги ба наздикони сарбоз кумакпулии якдаъфаина, сипас нафакаи махсусан баланд ва манзил дода шавад.
Бигузор сарбозон донанд, ки Ватан хизмат ва чонсупории онхоро баланд кадр мекунад ва бо дили пуру ифтихор аз худу Ватанашон хизмат бикунанд. Донанд, ки онхоро дар рузи вазнин намепартоянд ва онхо хеч гох дастнигари хайру садакаи мардум намешаванд. Ин проблемаи хеле чиддии алокаманд ба Ватану ватандорист ва ба он бояд кумитахои марбути парлумон ба зуди ру оранд. Артиш ё Кумитаи амният пулро магар ба Шахбол намедоданд, агар конун мебуд ва аз буча маблаг чудо мешуд? Ба назар менамояд, ки махз аз он сабаб рохбарон аз кисаи худ пул дода истодаанд, ки механизми амал дар ин гуна холатхо вучуд надорад ё барои сарбозон маблагхои ночиз пешбини шудаанд. Ё хато мекунам?
Холо бошад Шахбол ба холати худ ва ба азобхои падару модараш нигариста, фикри хонаи фурухтаи онхоро карда, магар ба худ намегуяд: "Ин чи ахмакие буд, ки кардам?" Ва магар хазорон шахболхои дигар барои ба чои аскари ба Русия фирор кардан далели наве ба худ наёфтаанд?

Ҷавоб диҳед Иқтибос Шикоят

tojik

hamai inro padaru modari shahbol medonistandu naguftand.kore xub nakardand in padari bemor.boz dostievu koncul dar rusiya va biletu rohpuli.

Ҷавоб диҳед Иқтибос Шикоят

офтоб

МАКОМОТИ ДАХЛДОР аз падару модари шахбол БОЯД УЗРХОХИ БИКУНАД.

Ҷавоб диҳед Иқтибос Шикоят

ОФТОБ

ЧИ МИКДОР ДИХЕД ХАМ ЧАВОН ДАР ХИЗМАТИ ХАРБИ ЯКУМРИ МАЪЮБ ШУДААСТ ВА БОЯД ПЕНСИЯИ РУТБАИ ГЕНЕРАЛИРО ДИХЕД.

Ҷавоб диҳед Иқтибос Шикоят

Эзоҳ илова кунед