Блейк ба ҳукуматҳои Осиёи Марказӣ: Баҳори арабро аз ёд набаред
Ин нуктаро Роберт Блейк дар сафҳаи Твиттери худ дар посух ба суоли яке аз кормандони бахши русии “Садои Амрико” навишта, таъкид кардааст, ки “бунёди ҳукуматҳои шаффоф, истифода аз имконоти иқтисодӣ ва мубориза бо фасод дар ин минтақа бисёр муҳим мебошад”.
Гуфта мешавад, суолу ҷавоби мустақим бо муовини вазири умури хориҷии Амрико, ки 18-уми апрел дар сафҳаи Твиттер сурат гирифтааст, диққати бештари корбаронро ба дурнамои сиёсати “роҳи абрешими нав”- и Амрико ҷалб намудааст. Ин тарҳ ба хотири манфиати кулли минтақа ва тақвияти равобити иқтисодию тиҷорӣ миёни кишварҳои ҷанубию Осиёи Марказӣ, аз ҷумла Афғонистон, роҳандозӣ шудааст.
Яке аз корбарони дигари ин шабака бо номи Беҳзод Маҳмадиев ба Блейк навиштааст, оинномаи “Роҳи абрешими нав”-и Амрико бештар шомили ваъдаҳои хушку холӣ ва ҳаракатҳои ғайриҷиддӣ мебошад. Аммо дар посух муовини вазири умури хориҷии Амрико гуфтааст, “ваъдаҳои хушку холӣ нестанд, ин давлатҳо роҳи мошингард, роҳҳои оҳан ва хатти интиқоли нерӯи барқ сохта истодаанд, ки ин ҳама ба ҳамгироии минтақа кӯмак мекунад.”
Истифодабарандаи дигари ин шабака, бо муттаҳам намудани Амрико ба доштани сиёсати дугона аз Роберт Блейк пурсидааст, чаро кишвараш аз ҳукуматҳои фасодзада ва диктатории кишварҳои Осиёи Марказӣ ҷонибдорӣ менамояд? Муовини вазири умури хориҷии Амрико дар посух гуфтааст, Иёлоти Муттаҳида сиёсати дугона надорад ва “мо дар Осиёи Марказӣ танҳо ҷонибдорӣ аз демократия менамоем ва ҳамеша аз ҳукуматҳои кишварҳои ин минтақа даъват мекунем, то барои доштани як ҷомеаи озод талош намуда, алайҳи фасод мубориза баранд.”
Роберт Блейк равобит миёни намояндаҳои ҷомеаи шаҳрвандиро дар кишварҳои гуногун барои ҳамгироии минтақа муҳим арзёбӣ намуда, гуфтааст, Амрико барои донишҷӯёни кишварҳои Осиёи Марказӣ ва Афғонистон бурсияҳои таҳсил ҷудо менамояд, то дар донишгоҳҳои амрикоӣ таълим бигиранд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
