18 апр 2013 16:01Тоҷикистон / Дидгоҳи хос / Муҳоҷир

Эшони Нуриддин: "Хӯрдани ҳаққи муҳоҷирон ҳаром аст"

Нуриддин Тӯраҷонзода, маъруф ба Эшони Нуриддин, яке аз руҳониёни маъруфи Тоҷикистон гуфтааст, касоне, ки аз музди меҳнати муҳоҷирон бидуни ризоияти онҳо ҳаққи худро мегиранд, "ҷавобгар хоҳанд буд".

Эшони Нуриддин дар ин бора дар посух ба суоли яке аз корбарони торнамо ё сайти turajon.org ҳарф задааст. Ӯ гуфта, ки“агар миёнарав муҳоҷиронро маҷбурӣ кор фармояду бе ризогии онҳо ҳақ мегирад, дар ин ҳолат кори ӯ ҳаром ва музде, ки мегирад зулм аст.” Аммо ин рӯҳонии маъруф таъкид кардааст, “агар вазифаи ин шахс таъмини кор асту шахси коргар розӣ бошад, ки як миқдор аз ҳаққашро ба хотири хидмат ба миёнарав бидиҳад, боке надорад.”

Ин дар ҳолест, ки дар пасманзари афзоиши муҳоҷират фиреби муҳоҷирон аз тарафи миёнаравҳо низ афзоиш ёфтааст ва ин нигаронии мақомоти тоҷикро ба бор овардааст. Хадамоти муҳоҷирати Тоҷикистон мегӯяд, дар бисёри ҳолатҳо миёнаравҳо аз мавқеашон сӯистифода карда, муҳоҷиронро истисмор мекунанд ва ҳаққашонро намедиҳанд.

Барои гурез аз чунин ҳолатҳо ахиран Сафиаллоҳ Девонаев, сардори Хадамоти муҳоҷирати Тоҷикистон, сокинони кишварро ба бастани шартномаи меҳнатӣ бо корфармо, дурӣ ҷӯстан аз миёнаравон дар бозори кори Русия даъват карда буд.

Аз Тоҷикистон ҳамасола ҳудуди як миллион нафар ба муҳоҷирати меҳнатӣ рафта, то 3,5 миллиард доллар дар як сол ба Ватан пул мефиристанд.

Мӯҳр

Хабарҳои монанд:

Мардикор,РФ.

Философия,маъниву мундарича ва тарзу риштаву банду воситахои миёнарави гуногун аст."Посредник"хо хар хеланд.Вале аз хам бисьёр дар сохаи сохтмон мебошанд.Барои он,ки кас миёнараву корёб бошад,бояд,ки худи у тачрибаи калони ин сохаро дошта бошад.Бисёре аз мухочирони кори,азбаски дахсолахо боз дар сохтмон кор мекунанд,аз худи инженерхову прорабхои камтачриба дида пухтатаранд.Бинобар ин ба онхо муяссар мешавад,ки ба корафтодагон,яъне манзилу иншоотхои тичоративу истехсоли месохтагихо сару кор дошта бошанд.Ин чо ман худ сохтмончи ягон чиноятеро намебинам.Хаки "посредник"хо 10-фоиз аст.Яъне,агар мо 8-нафар чавонмарди кори,обьектеро ёбем.ки танхо сохтани он,2-миллион рубли русиро ташкил медихад,чаро ба он шахсе,ки инчоро ёёёфтааст,хаки мехнаташро надихем?Гохо мешавад,ки як гурух мухочирони кори таи 2-мох бекор меистанд.Ба хар як омади кор, касе сабаб мешавад.Чи илоч,дар мухочират хамин хел тартибот расм шудааст.Лекин миёнарав аз миёнарав фарк дорад.Баъзехояшон аз руи камтачрибагиву маккори,хаки мухочиронро ба киссаи худ мезананду мегурезанд.Боз хастанд,миёнаравхое,ки то охири кор хамрохи сохтмончиён дар чои кор сидкан кор мекунанд.Аз хама хубаш бо хамдехаву шиноси наздики худ кор кардан хуб аст.Психологияи русхои манзилсоз ин аст,ки то агар аз наздик мухочирони кориро наомузад(надонад),онхоро ба ичрои корхо намепазирад.Ин чо "услуг"и "посредник"хо лозим мешавад.

Ҷавоб диҳед Иқтибос Шикоят

Димон

Худованд аз ин корхои бад нигах дорад муслиминро! Офарин ба Эшон ки хамавакт хакикартро мечуян ва хакро мегуянд зинда боши!

Ҷавоб диҳед Иқтибос Шикоят

Эзоҳ илова кунед