Тими мунтахаби футболи Тоҷикистон озими Қатар аст

Тими миллии футболи Тоҷикистон ба давлати Қатар парвоз мекунад.

---

Тавре ба «Озодагон» дар кумитаи тадорукоти федератсияи футбол гуфтанд, ин сафар рӯзи 13-уми июл таҳти сарварии сармурабии даста Пӯлод Қодиров сурат мепазирад. Бино ба қавли манбаъ, ҳадафи аслии ин боздид, доир намудани якчанд бозиҳои рафиқона дар чорчӯби даври дуюми бозиҳои интихобии Ҷоми  Ҷаҳон-2014 аст. Дар назар аст, ки дар давлати Қатар тими мунтахаби футболи Тоҷикистон бо дастаҳои мухталиф бозии дӯстона баргузор кунад ва рӯзи 23-юми июл дар бозии асосӣ бо тими миллии Сурия  вомехӯрад.
Шавкат Ахмедов, масъули кумитаи тадорукоти федератсияи футбол илова кард, ки аз сабаби хуб набудани вазъи сиёсӣ дар давлати Сурия, федератсияи футболи баиналмилалӣ ба нақша гирифтааст, ки сабқат миёни ин тимҳо дар кишвари Ӯрдун гузаронида шавад. Маврид ба тазаккур аст, ки бозии ҷавобӣ миёни Тоҷикистону Сурия таърихи 28-уми июл дар варзишгоҳи «Металлург»-и шаҳри Турсунзода сурат мегирад.  {jathumbnail off}
Мӯҳр