08 апр 2013 14:20Тоҷикистон / Сиёсат

Тазоҳуроти зидди Абдуллоҷонов Созмони Милалро "тарсонд"?

Ба дунболи эътирози гурӯҳе аз ҷавонон дар назди дафтари Созмони Милал дар Душанбе кормандони бахшҳои он рӯзи ҳаштуми апрел ба кор наомадаанд. Нахуст дар ин бора бахши тоҷикии Радиои Озодӣ иттилоъ дод ва як манбаи мо дар Созмони Милал низ ин хабарро тасдиқ кард.

НАЗАРИ МАҚОМОТИ ВКД ДАР БОРАИ ТАЗОҲУРОТИ РӮЗИ 5 АПРЕЛ

Манбаи мо гуфт, масъулони дафтари Созмони Милал ба онҳо гуфтаанд, ба далели амниятӣ ба кор ҳозир нашуда, фаъолияташонро ба қадри имкон аз манзилашон идома бахшанд. “Аммо касе дар дафтар кор дошт, ба ҷои кор омад, албатта, барои фурсати хеле кӯтоҳ”,-афзуд манбаъ.

Эътирози гурӯҳе аз ҷавонон алайҳи раҳоии Абдумалик Абдуллоҷонов, нахуствазири пешини Тоҷикистон, аз боздоштгоҳе дар Киев рӯзи ҷумъаи панҷуми апрел дар назди дафтари Созмони Милал ва ҳамчунин дар назди сафорати Амрико баргузор шуд. Тазоҳуроти назди дафтари Созмони Милал (наздикии “Садбарг”) дер давом накард, чаро ки маъмурони пулису амниятӣ дарҳол ин тазоҳуротро пароканда карданд.

Мӯҳр

Хабарҳои монанд:

дима

донишҷӯи соли якуми Донишгоҳи милли Тоҷикистон мегӯяд: -Пеш аз обед ба мо гуфтанд, ки имрӯз баъди обед ба тарафи Зарафшон, пеши Сафорати Америка ҷамъ шуда, як митинг мекунем. Биёед. Мо рафтем. - Кӣ ба шумо гуфт ва оё соаташ ҳам маълум буд? - Ба мо муаллимон гуфтанд, ки соати се пикет ташкил мешавад. Ман бо бачаҳо рафтам. - Ҳадафи ин эътирозро ба шумо фаҳмонданд? - Гуфтанд, ки ин пикет барои озод кардани Абдумалик Абдуллоҷонов, сарвазири пешини Тоҷикистон, ки дар Украина дастгир шуда буд, вайро бояд ба Тоҷикистон медоданд, лекин Америка бурданд... Ҳамин замон ба суҳбати мо донишҷӯ - А.Н. дигар ҳамроҳ шуд. -Ман аз чанд рафиқам, ки дар факултаҳои Биология ва Таърих мехонанд, фаҳмидам, ки митинг соати се мешавад. Рафиқонам гуфтанд, ки биё равем, ман ҳам рафтам. Онҳо гуфтанд, ки агар пурсанд, ки аз куҷоед, аз ҳизби наҳзат гӯед. -Ҳизби наҳзати исломиро дар назар доштанд? -Ҳа, ҳизби исломиро

Ҷавоб диҳед Иқтибос Шикоят

Эзоҳ илова кунед