08 апр 2013 08:24Тоҷикистон / Иҷтимоӣ / Видео

Видео: Маросими видоъ бо Пайванди Гулмуродзода дар Душанбе

Ҷанозаи Пайванди Гулмуродзода, донишманди шинохтаи тоҷик ва устоди Донишгоҳи миллии Тоҷикистон, ки шаби гузашта аз дунё реҳлат кардааст, дар гӯристони "Чортут"-и Душанбе ба хок супурда шуд.

Ба қавли пайвандони ин донишманди тоҷик, ӯ бар асари сактаи қалбӣ дунёро падруд гуфтааст. Ин дар ҳолест, ки бархе аз ҳамкоронаш дар сӯҳбат бо мо гуфтанд, Пайванди Гулмуродзода рӯзи якшанбе, ҳафтуми апрел, ҳамроҳи онҳо дар як маҳфил ҳузур дошт.

Пайванди Гулмуродзода, ки 57 сол дошт, дар вилояти Ҷиззахи Узбакистон ба дунё омада, соли 1973 ба факултаи филологияи тоҷики Донишгоҳии давлатии Тоҷикистон шомил мешавад. Соли 1978 пас аз хатми донишгоҳ фаъолияташро дар Кумитаи радио ва телевизиони Тоҷикистон оғоз намудааст.

Муассис ва бунёдгузори фаслномаи илмӣ, адабӣ ва фарҳангии "Гули мурод" (1996) буда, муҳарририи нашрияи "Қалам" (1997-2001)-ро бар уҳда дошт. Муаллифи рисолаҳои "Публицистика и время" ва "Маорифпарварӣ ва низоми ҷаҳон", китобу васоити таълимии "Журналистикаи советии тоҷик" (ҳаммуаллиф), "Жанрҳои таҳлилии матбуот" (ҳаммуаллиф), "Ҳамосаи инсони кор" (ҳаммуаллиф) ва зиёда аз 100 мақолаи илмист. Ӯ дар таҳия ва баргардони осори адибони оғози садаи бист Абдуррауфи Фитрат, Сайидризо Ализода низ саҳм гузошта, китобҳои "Мунозара", "Шӯриши Восеъ", "Оила ё худ вазоифи хонадорӣ", "Баёноти сайёҳи ҳиндӣ", "Қоидаҳои забони тоҷикӣ"-и Фитрат ва "Маслаки мо ҳақ"-и Саидризо Ализодаро бо муқаддимаҳои муфассал чоп кардааст.

Гулмуродзода узви Иттиҳоди адибон ва журналистони Тоҷикистон буда, бо медали "Хидмати шоиста" ва унвони Аълочии матбуоти Тоҷикистон, Аълочии фарҳанги Тоҷикистон қадр шудааст.

Мӯҳр

Хабарҳои монанд:

шогирд

Худо устода рахмат ва чояшро чаннати човидона бигардонад инсони хубе буданд!

Ҷавоб диҳед Иқтибос Шикоят

Фаридуни Умарбек

Марги сохибдил чахонеро далели кулфат аст. Устод Хочи Пайванди Гулмуродзода аз камтарин мухаккикони таърихи журналистикаи точик буданд, ки дар ин рох хизматхои шоёне боки гузоштаанд. Рисолаи доктории устод дар арафаи химоя буд, вале умр вафо накард, марги нобахангом риштаи умри устодро аз хаёт барканд. Худованд чояшонро чаннат гардонад, ба хама наздикон ва пайвандони устод аз даргохи илохи сабри чамил мехохам.

Ҷавоб диҳед Иқтибос Шикоят

Иброхим

Аз шунидани ин хабар хеле андухгинам.Ба хама наздикони устод сабри чамил хохонам ва худо рахмату магфираташ гардонад!Хеле хотирахои зиед хаст аз даврони донишчуи ки устоди азиз декани факултаи рузноманигори буданд ва сахми эшон дар тарбияи донишомузони ин факулта хеле калон аст.ХУДОВАНД ЧОЯШОНРО ЧАННАТ ГАРДОНАД.

Ҷавоб диҳед Иқтибос Шикоят

Донишҷӯ

Хонаи охиратат обод бод устоди меҳрубон!!!

Ҷавоб диҳед Иқтибос Шикоят

отакул файзиев

хонаи охираташон ободу чояшон чанат бошад.Ба ахли оила ва еру дустон хамдарди изхор менамоям.

Ҷавоб диҳед Иқтибос Шикоят

Gulmurodzoda saydali

Payvand amaki mexruboni man budand ammo kori xudo hamin budaast.

Ҷавоб диҳед Иқтибос Шикоят

Эзоҳ илова кунед