29 мар 2013 18:23Оcиёи Марказӣ / Тоҷикистон

Шурӯи даъвати баҳорӣ ба артиш дар Тоҷикистон

Бо фармони нави раисиҷумҳури Тоҷикистон, Эмомалӣ Раҳмон, даъвати баҳорӣ ба артиш оғоз ёфтааст, ки аз аввали моҳи апрел то охири моҳи май идома хоҳад дошт.

Ба қавли сухангӯи Вазорати дифои Тоҷикистон, Фаридун Маҳмадалиев, “бар пояи ин фармон ҷавононе, ки то рӯзи даъват ба синни 18 мерасанд ва инчунин шаҳрвандони синну солашон калон, ки ҳуқуқи ба таъхир андохтани мӯҳлати даъват ё озод будан аз даъват ба хизмати ҳарбиро надоранд, барои хизмат ба сафи Қувваҳои мусаллаҳи Тоҷикистон даъват мешаванд.”

Дар ин фармони раисиҷумҳури Тоҷикистон таъкид шудааст, ки “Вазорати дифои Тоҷикистон, раисони комиссияҳои даъватии Бадахшон, вилоятҳо, шаҳри Душанбе ва шаҳру ноҳияҳо вазифадор шаванд, ки бо назардошти хусусиятҳои хоси хизмат дар қӯшунҳои сарҳадӣ, Гвардияи миллӣ ва қисмҳои ҳарбии таъиноти махсус мукаммалгардонии онҳоро бо иштироки мақомоти амният ва умури дохилӣ дар навбати аввал бо даъватшавандагони ба таври дақиқ интихобшуда амалӣ намоянд.”

Ба қавли Фаридун Маҳмадалиев, тибқи фармони президент онҳое, ки мӯҳлати муқарраргардидаи хизмати ҳарбиро адо намудаанд, моҳҳои апрел-майи соли 2013 аз сафи Қувваҳои мусаллаҳ ҷавоб хоҳанд шуд.

Мӯҳр

Хабарҳои монанд:

диловар

ма намерам очае хона мерам оча, вакти пулкоркуни шдай москва мерам оча, ай хизмати 2 солашон фойда нестай оча, и хизматшон барои мо дехконон карзай оча, ма намерам очае хона мерам оча , вакти пулкоркуни шдай россия мерам оча, болои бом мебром дара ай кафом махкам кун оча, то ай дасти аблава халос шам оча, салдато ай чавраи кудухурира ранги савзи шдиян оча,баьди хизмат калабеланг шда хона миян оча, ма намерам очае хона мерам оча, вакти пулкоркуни шдай мухочират мерам оча, зан гирифтан даркорай оча, ва гайрахо , озодагон и шеьрома бо чашми шашкатор навистам кадр кун ва чопш кун,

Ҷавоб диҳед Иқтибос Шикоят

Эзоҳ илова кунед