28 мар 2013 17:21Тоҷикистон / Видео

Назари сокинон: Чаро кӯдакон гум мешаванд?

Ахиран нопадид шудани ду духтари хурдсол дар наздикии маркази савдои “Садбарг” (кӯчаи Айнии шаҳри Душанбе) вокунишҳоеро дар ҷомеа ба вуҷуд овардааст. Ҳарчанд гурӯҳи ихтиёриён ва мақомоти пулис онҳоро ҷустуҷӯ мекунанд, вале ҳанӯз ба ҷое нарасидаанд.

Ин дар ҳолест, ки Вазорати умури дохилии Тоҷикистон мегӯяд, тақрибан дар як рӯз дар Тоҷикистон як нафар гум мешавад. Аз ҷумла, ба гуфтаи ин манбаъ, дар се моҳи охир беш аз ҳафтод нафар “ғайб” задаанд, ки қисмати аслии онҳоро кӯдакону духтарон ташкил медиҳанд.

Бархе аз ҳамсӯҳбатони мо дар хиёбонҳои пойтахти Тоҷикистон мегӯянд, аз гумшавии ноболиғон дар кишвар нигаронанд. Яке аз ин мусоҳибони мо тахмин мезанад, ки шояд гурӯҳе барои харидуфурӯши ҷузъҳои бадани кӯдакон онҳоро медузданд.

Гурӯҳе дигар ҳам ин ҳамаро ба бемасъулиятии волидон бастагӣ медиҳад. “Беназоратӣ аз тарафи падару модар аст. Ҳамин ки кӯдакро бе назорат гузоштӣ, ба ягон ҷое мераваду гум мешавад ё хобаш мебарад”,-гуфт яке дигар аз мусоҳибони мо.

Назари раҳгузарони дигарро дар ин навори видео бубинед ва агар назару пешниҳоде доред, дар поёни ин матлаб бинависед.

Мӯҳр

Хабарҳои монанд:

мси

пири беакл гапота тахлил карда бугу

Ҷавоб диҳед Иқтибос Шикоят

Nazir

шояд ягон маняк пайдо шуда бошад...

Ҷавоб диҳед Иқтибос Шикоят

dodkhoh

Тайи чанд соли охир аст, ки ходисаи гумшавии одамон дар шахру нохияхои Точикистон зиёд ба назар мерасад. Ин чанд сабаб дорад:
1.сабаби аслии ин ходисахо фаъол набудани сохторхои кудрати махсусан кормандони милиса мебошад, зеро инсон ин сузан нест, ки ба замин афтида дар хок пинхон шавад.
2. Дар замони Шурави мардум ба милиса бо мехр ва масъулият муносибат мекарданд, имруз бошад дар симои милиса мардум "чаллод" ва "коррупсионер"ро мебинанад, ки ин бисёр бад ва шармовар аст.
3. Гунохи волидайн аст, ки фарзандонро беназорат мегузоран, зеро таваллуди фарзанд чизи дигар асту ба воя расонидани он. Аксарияти занони "Дехаи калон"-мо дар даромадгохи бинохо ба хам сухбату гайбат карда менишинанд ва хатто фарзандонро бе назорат мегузонанд, ки ин аз бефаросативу нахондани онхо шаходат медихад.

Ҷавоб диҳед Иқтибос Шикоят

Эзоҳ илова кунед