11 мар 2013 17:22Оcиёи Марказӣ / Тоҷикистон

“40 соли мубориза...”-и Абдуқаюми Қаюмзод аз чоп баромад

Китоби хабарнигори шинохтаи тоҷик, Абдуқаюми Қаюмзод, бо номи “40 соли мубориза, муқовимат ва талошҳо” аз тариқи “Нашриёти Бухоро” рӯи чоп омад. Ин китоб ба чиҳилсолагии таъсиси Ҳизби Наҳзати Исломии Тоҷикистон (ҲНИТ) бахшида шудааст, ки моҳи апрели соли ҷорӣ аз он таҷлил хоҳад шуд.

Ин китоб, ки бо теъдоди ҳазор нусха рӯи чоп омадааст, маҷмӯи мақолаҳо ва мусоҳибаҳои Абдуқаюми Қаюмзод бо афроди баландпояи ҲНИТ, аз ҷумла муассисону раҳбарони он Сайид Абдуллоҳи Нурӣ, Муҳаммадшариф Ҳимматзода, Давлати Усмон, Сайидумар Ҳусайнӣ, Сайидиброҳими Назар, Муҳиддин Кабирӣ ва дигаронро дар бар мегирад. Ин суҳбату мақолаҳои муаллиф дар солҳои мухталиф дар нашрияҳои даврии Тоҷикистон -- “Чароғи рӯз”, “Фараж”, “Миллат”, “Oзодагон” ва ҳамчунин торнамои Радиои Озодӣ мунташир шудаанд.

Пешгуфтори ин китобро Парвиз Муллоҷонов, сиёсатшиноси тоҷик ва докторанти Донишгоҳи Базели Швейтсария навиштааст. Вай дар навиштаи худ таъкид мекунад, "дар ин китоб маълумоту далелҳои зиёде оид ба таърихи истиқлолияти кишварамон ҳам оварда шудааст. Бисёре аз маълумоти ҷамъовардашуда то нашри китоби мазкур барои ҷомеаи мо номаълум ва норавшан буданд. Хотираҳо ва ёддоштҳои шахсони ҳамсӯҳбат ҷолибу мароқангез баён гардида, ба ҳаводиси замони ҷанги шаҳрвандӣ ва нооромиҳои солҳои 90-ум рӯшанӣ меандозанд."

Абдуқаюми Қаюмзод мегӯяд, ин китобро бо ҳимояти молии Ҳоҷӣ Нуриддин Маҳкамов, раиси ширкати «Бахт», чоп кардааст. Ин китоби Абдуқаюми Қаюмзод дар ҳоле нашр шуда, ки чанде пештар Вазорати умури хориҷии Тоҷикистон аз додани шаҳодатнома барои фаъолияти ӯ дар Радиои Озодӣ худдорӣ кард. Ҳарчанд раҳбарияти радио бо ирсоли як нома хостори тавзеҳи ин амали вазорат шуд, вале то ҳол посухе дарёфт накардааст.

Мӯҳр

Хабарҳои монанд:

Mino

Муборак бошад, оқои Қаюмзод. Тило дар ҳама ҷо тилост. Ба умеди китобҳои дигар.

Ҷавоб диҳед Иқтибос Шикоят

Абдурраҳмон

мошоаллоҳ иқдоми наҷиб барои наҳзатиҳо нишони он аст, ки Наҳзат бо мардуми ҷабрдида ва камбағал аст ва Паёмбар ҳам замоне бо мардуми оддӣ ҳакорӣ дошт, ки муваффак ҳам шуд... наҳзатиҳо ба пеш)))

Ҷавоб диҳед Иқтибос Шикоят

zoir

фарзандони фарзонаи миллат ва дин офарин

Ҷавоб диҳед Иқтибос Шикоят

Анис

Ило 100солашави! душманот шарманда шавад! чи мешад, ки озодагон чунин часуронро дар аторофаш чамъ кунад, фикр мекунам бо як Хилватшои азиз ин рохро паймудан душвор аст! ё ба кор кабул кардани устод дигаро инро тобиши сиёси метиян?

Ҷавоб диҳед Иқтибос Шикоят

Орзу

Ана аку маълум шуд чаро Вазорати хорича уро шаходатнома надодааст. Ин бачара рисолати асосии кор карданаш дар Озоди таблиги ХНИТ аз ин минбари бонуфуз будааст. Ин муриди мудом ширамасти Турачонзода чун аз Озоди ноумед шуд, хати машашро рушан кардва тавассути китоб ва оянда дигар матлабхояш мунтазам ХНИТ-ро таблиг мекунад. Бубахшед, аммо аз матлаб маълум шуд, ки у аллакай ба зархариди хочихо табдил шудан дорад (агар нашуда бошад). Чунин дуруяхо рузе аз рузхо ба газаби Худо гирифтор мешаванд. Чунки манзури онхо аз Худо гуфтан сиёсат асту бас. Тамоми хизбхои сиёсии Аврупову Амрикоро хати машашон химоя аз арзишхои динии протестанти, католики ё провославиву гайраи масехист. Аммо ягонтои онхо динро ба максади сиёси истифода намебаранд, балки дар сиёсат аз арзишхои дини хифозат мекунанд. Дар Русия на Хизби Нахзати Провослави доранду на Хизби Нахзати Масехо дар Амрикову Аврупост. Чунин максималисти (зиёдарави)-е, ки дар мо хам дар дингарои ва хам дар комунистиву демокративу атеистист танхо боиси монеъ дар рушди чомеаву кишвар мегардад. Каюмзодаву у баринхо бошанд хезумкаши оташи чудоиандози дар кишваранд. Аз масулини Озодагон хохиш, шояд ин суханон барои Шумо ё хамкасбатон нохушоянд бошад, аммо хохиш мекунам лоакал ба хотири чандандеши, ки Озодагон хам рисолати худро дар рушди он мебинад, назари маро нашр созед.

Ҷавоб диҳед Иқтибос Шикоят

Мирзо Хучанд

Аз кучо ин китобро дастрас кунем?

Ҷавоб диҳед Иқтибос Шикоят

Эзоҳ илова кунед