"Регар-ТадАЗ" бозиро бо "Сафо"-и Лубнон мусовӣ анҷом дод

Чемпиони ҳафткаратаи Тоҷикистон оид ба футбол дастаи “Регар-ТадАЗ”-и Турсунзода нахустин бозии худро дар даври гурӯҳии Ҷоми AFC-2013 дар Бейрут бо дастаи “Сафо”-и Лубнон мусовӣ, яъне 1:1 анҷом дод.
Ин бозии гурӯҳи “А” шоми дирӯз, 5-уми март, дар варзишгоҳи “Спорт Сити”-и Бейрут баргузор шуд. Ҳисоб дар дақиқаҳои аввали сабқат боз гардид. Ҳимоятгари дастаи “Регар-ТадАЗ” Фаррух Чориев тасодуфан тӯбро вориди дарвозаи дастааш намуд. Тӯб пас аз зарбаи ҳамлагари мизбонон Аҳмад Аломир ба пои Фаррух Чориев, лигионери узбакистонӣ, бархӯрда ба дарвозаи “Регар-ТадАЗ” ворид шуд. Нимаи аввали дидор бо ҳамин натиҷа анҷом ёфт.
Дар дақиқаи 60-уми дидор Комил Саидов, ҳамлагари дастаи “Регар-ТадАЗ” тубро моҳирона ба дарвозаи ҳариф ворид карда ҳисобро баробар намуд.
Дар бозии дигари ин гурӯҳ дастаи “Риффа”-и Баҳрайн аз тими СК “Кувейт”- Кувейт бо ҳисоби 0:2 шикаст хӯрд. Дастаи “Регар-ТадАЗ” дар бозии навбатии даври гурӯҳии ҷоми даъвати AFC-2013 рӯзи 12-уми март, бо дастаи “Риффа”-и Баҳрайн дар варзишгоҳи “20-солагии истиқлолияти Тоҷикистон" рақобат мекунад.
Мӯҳр
ТАҚВИМ
« Апрел 2025 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | |