Русия, Ҳиндустон ва Озарбойҷон донишҷӯёни тоҷикро интизоранд

Дар литсейи ҳарбии вазорати мудофиаи Тоҷикистон чорабинии вижа ба муносибати маросими хатми донишҷӯёни ин муассисаи миёнаи таълимии ҳарбӣ  баргузор гардид.

---

Тавре Фаридун Маҳмадалиев, сухангӯи вазорат  ба хабаргузории «Озодагон» иттилоъ дод, ҳудуди 100 нафар таҳсилкунандагон, ки имсол литсейи мазкурро   хатм кардаанд, қисме аз онҳо барои идомаи таҳсил ва баланд бардоштани донишҳои назариявию амалии ҳарбӣ ба донишкадаи ҳарбии вазорати мудофиа ва қисми дигарашон ба муассисаҳои олии ҳарбии Федератсияи Русия, ба ҷумҳурии Ҳиндустон ва ба  Озорбойҷон фиристода мешаванд. Номбурда афзуд, литсейи ҳарбии вазорати мудофиа таҳсилкунандагонро дар сини 14-15 солагӣ ройгон ба таълиму тарбия фаро гирифта, дар ин давра донишандӯзон муддати ду сол дар муассисаи миёнаи таълимии ҳарбӣ таҳсил мекунанд.     Маврид ба ёдоварист, литсейи мазкур дар заминаи мактаб- интенати «Суворовчиён» аз соли 1985 ин ҷониб фаъолият мекунад ва соли 1993 он ба литсейи ҳарбии вазорати мудофиа ба номи Мастибек Тошмуҳаммадов- нахуст генерали тоҷик  табдил дода шуд. {jathumbnail off} Мӯҳр