Дар садамаҳои нақлиётӣ ду нафар ҷони худро аз даст додаанд

Бар асари ду садамаи нақлиётӣ ду нафар ҷони худро аз даст доданд.

Тавре Қудратулло Шоев, бозраси шӯъбаи ташвиқот ва тарғиботи БДА ба хабаргузории «Озодагон» иттилоъ дод, санаи 28-уми июн автомашинаи тамғаи «МУСО»  таҳти идораи Ашӯров Абдулатиф   аснои  ҳаракат дар рустои деҳаи «Хоҷахон»-и ҷамоати «Калининобод» аз ӯҳдаи идораи воситаи нақлиёт набаромада  мошинро чаппа мекунад, ки дар натиҷа мусофири дохили он Бунёд Неъматови 24 -сола ба ҳалокат мерасад.   
Ба ҳамин монанд, дар ноҳияи Рӯдакӣ ронандаи автамашинаи тамғаи «ЗИЛ 5511»    Шокирҷон Камолов, зимни ҳаракат дар ҳудуди деҳаи «Ҷавонон» пиёдагарди ноболиғ Курбонбег Саломови 11 -соларо зер мекунад, ки дар натиҷа ноболиғ ҷароҳати вазнини ҷисмонӣ бардошта дар ҷойи ҳодиса ба ҳалокат мерасад. Ба иттилои манбаъ шабонарӯзи гузашта дар саросари ҷумҳрӣ 7 садамаи нақлиётӣ ба вуқуъ пайваста, 2 нафар ҷони худро аз даст дода, 6 тани дигар ҷароҳотҳои вазнини ҷисмонӣ бардошта, ба беморхонаҳо интиқол дода шуданд.