«Рӯзи МегаФон» дар Бохтар ва Ҷалолиддини Румӣ хотирмон гузашт

Нархномаи навро пайваст намудан, барои шахси наздик чун тӯҳфа телефони мобилӣ харидорӣ кардан, 3G-модеми мувофиқи технологияи навтаринро интихоб намудан- ҳамаи инро истиқоматкунандагони ноҳияи Бохтар метавонанд дар кӯтоҳтарин фурсат дар идораи нави ширкати «МегаФон» анҷом диҳанд.

Расми ифтитоҳи намояндагӣ ҳудуди 300 истиқоматкунандаи ноҳияи Бохтарро гирди ҳам овард. Ба онҳое, ки нахустин шуда вориди бино гардиданд, тӯҳфаҳо тақдим гардид. Ғолибони бозии тӯҳфаҳои қимматнок соҳиби телефонҳои мобилӣ ва 3G-модемҳои баландсуръати «МегаФон» шуданд. Мукофоти асосӣ – нетбукро бошад, Носирҷон Маҳкамови 26-сола ба хонааш бурд. «Пештар ман нетбукро  истифода карда наметавонистам. Компютери муқаррарии доимӣ дорам, ки барои сӯҳбат бо ҳамкорон ва дӯстон аз Русия истифода мебарам. Зиёд мехостам нетбук дошта бошав ва ҳоло ин орзӯям амалӣ гардид. Ман хеле хушбахтам»,-мегӯяд Носирҷон.

Барои сокинони хурдсоли ноҳияи Бохтар «Рӯзи МегаФон» аз дарси саводнокии мобилӣ ва бехатарӣ дар мактаби №49 шурӯъ гардид. Намояндаи «МегаФон» ба бачаҳо оид ба қоидаҳои одоби муоширати мобилӣ нақл намуд. Ҳамчунин, роҳҳои аз рабуда шудан ҳифз кардани телефони ҳамроҳро фаҳмонид. Бачаҳои аз ҳама фаъол бо тӯҳфаҳо қадрдонӣ шуданд. «То  ин вақт  ман ҳаргиз фикр накардаам, ки ҳангоми истифодаи телефони мобилӣ риояи қоидаҳои муайяни одоб зарур аст. Акнун ҳатман ба он пайравӣ менамоям», -мегӯяд Рустам Ҳайдаров, хонандаи  синфи 10-и мактаби №49.

Ба қавли роҳбари Идораи минтақавии ширкати «МегаФон» дар вилояти Хатлон Маҷид Сайтасанов ба бачаҳо омӯзондани саводнокии мобилӣ ва иштирок дар барномаи давлатии интернетикунонии мактабҳо яке аз вазифаҳои муҳими ширкати «МегаФон» аст.

Дар «Рӯзи МегаФон» кормандони ШКД ҳукумати ноҳияи Бохтар имконияти шиносоӣ бо хизматрасонии боэътимоди операторро доштанд. Барои онҳо мутахассисони ширкат муаррифии махсусро роҳандозӣ карданд.

Алоқаи боъэтимод дар ҳар як гӯшаи кишвар

Истиқоматкунандагони  ноҳияи  Ҷалолиддини Румӣ ҳам «Рӯзи МегаФон»-ро ҷашн гирифтанд. Дар ин минтақа низ расми тантанавии кушодашавии толори оператор баргузор шуд.
Нахуст ин ҷо ҳам барои мактаббачагон дарсҳои саводнокии мобилӣ ва бехатарӣ баргузор гардид. Машғулиятҳои интерактивӣ ба бачаҳои мактаби №5 хеле писанд омад. «Алоқаи мобилӣ далели ҳаёти замонавии мо аст, бинобар ин, чунин дарсҳо айни муддаост», -иброз дошт директори мактаби №5 Cамандар Муродов.

Дар толори ҷадиди «МегаФон» дар ноҳияи Ҷалолиддини Румӣ ҳам ба ғолибони бозиҳо тӯҳфаҳои арзишманд тақдим шуд.Насимҷон Холматов, донишҷӯи соли аввали факултаи геологияи Донишгоҳи миллии Тоҷикистон  соҳиби нетбук шуд. «Пештар  компютер надоштам. Фикр мекунам бо нетбук ва Интернети боъэтимоди «МегаФон» хеле тезтар ба ҳамаи дарсҳо тайёрӣ дида, ҳамчунин барои сӯҳбат бо дӯстон вақти иловагӣ меёбам»,-мегӯяд ӯ.

Расми ифтитоҳи биноҳои нави намояндагии ширкати «МегаФон» дар ноҳияҳои Бохтар ва Ҷалолиддини Румӣ зери унвони «Алоқаи боэътимодро аз МегаФон истифода намо» баргузор шуд.

Мӯҳр