Боздошти як гурӯҳ ноболиғон бо ҷурми ғоратгарӣ

Дар пайи амалиёти кормандони Вазорати корҳои дохила дар ноҳияи Рӯдакӣ як гурӯҳ наврасон бо ҷурми ғоратгарӣ дастгир карда шуданд.

Аз ВКД ба Озодагон иттилоъ доданд, ки ин ноболиғон Ҷумъабой Зокирзодаи 13 – сола, сокини шаҳраки Сомониёни ноҳияи Рудакӣ, хонандаи синфи 7-уми мактаби миёнаи таҳсилоти умумии №7 ва Шаҳроми Шокири 14 сола, хонандаи синфи 8-уми мактаби миёнаи таҳсилоти умумии №2 дастгир карда шуданд.

Манбаъ афзуд, ки номбурдаҳо аз 23 то 29 январи соли равон пинҳонӣ вориди манзили истиқоматии шаҳрванд Шавкат Ҳамроеви 39 сола, сокини шаҳраки Сомониёни ноҳияи Рудакӣ шуда, аз он ҷой ашёҳои рӯзгорро ба маблағи 11340 сомонӣ дуздида, аз ҷойи ҳодиса ғайб задаанд.
Феълан нисбати ин ҳодиса парвандаи ҷиноӣ боз гардида тафтишот идома дорад. Мӯҳр