Раҳмон ҳамтои туркмани худро табрик кард

Президенти Тоҷикистон райисҷумҳури Туркманистон Қурбонгулӣ Бердимуҳамедовро ба муносибати 20-умин солгарди барқароршавии муносибатҳои дипломатии ду кишвар табрик намуд.

Дар барқияи шодбошии президент аз ҷумла омадааст:

- Бистумин солгарди барқароршавии муносибатҳои дипломатии миёни Тоҷикистон ва Туркманистон ба ман имконият медиҳад, ки табрикоти самимона ва орзуҳои беҳтаринамро ба Шумо ва дар симои Шумо ба тамоми мардуми бародари туркман ирсол дорам.

Аз лаҳзаҳои ба даст овардани истиқлолият кишварҳоямон мунтазам ба пурра сохтани мазмуни нави ҳамкориҳои байнидавлатии худ, бо ҳамгироии фаъол дар арсаи байналмилалӣ, кӯшиш мекунанд.

Имрӯз дар идомаи анъанаҳои хуби муносибатҳои дӯстӣ ва ҳусни таваҷҷуҳи мутақобилаи халқҳоямон, ки решаи амиқи таърихӣ доранд, муносиботи Тоҷикистону Туркманистон динамикаи баланди рушд дорад.

Дар андозагирии сиёсӣ миёни кишварҳои мо дар асоси принсипҳои ошкоро, боварӣ ва дастгирии мутақобила муколамаи доимӣ дар сатҳи олӣ ба роҳ монда шудааст.

Ҳамчун элементи асосии муносиботи муосири байнидавлатӣ ҳамкориҳои иқтисодии гузошташудаи Тоҷикистону Туркманистон мунтазам густариш ёфта, робитаҳоро дар соҳаҳои фарҳангӣ ва гуманитарӣ таҳким мебахшанд, - гуфта мешавад дар номаи табрикотии  Эмомалӣ Раҳмон ба президенти Туркманистон.
Мӯҳр