Ҷорӣ намудани шаффофият дар мактабҳои ронандагӣ

45 автомашинаи сабукрави замонавӣ, ки бо таҷҳизоти аудӣ ва видеоӣ муҷаҳҳаз гардонида шудаан, дар қабули имтиҳонҳои мактабҳои ронандагӣ истифода мешаванд.

Тавре аз хадамоти матбуоти ВКД ба хабаргузории Озодагон иттилоъ доданд, бо мақсади дуруст ва дар асоси талаботҳои замон ба роҳ мондани низоми аз худ намудани касби ронандагӣ аз тарафи ҶММ-и «Автосантал» дар ҳамдастӣ бо шӯъбаҳои бақайдгирии имтиҳонотии Раёсати БДА ба ҷумҳурӣ 45 автомашина, ки бо таҷҳизоти аудӣ ва видеоӣ муҷаҳҳаз гардонида шудааст, ворид карда шуд.

Гуфта мешавад, мақсад аз ворид намудани автомашинаҳои мазкур бо технологияи муосир, ин ҷорӣ намудани шаффофият дар низоми таълими мактабҳои ронандагӣ буда, онҳо дар қабули имтиҳонҳо ба таври васеъ истифода карда хоҳанд шуд.
Мӯҳр