Ғолибони озмуни «Китоби сол-2012» муайян гардид

Назрӣ Раҳмат барои ду китоби назм: «Ширмаҳтоб»  ва  Кароматуллоҳи Мирзо барои китоби «Марги бегуноҳ» ғолибони озмуни ҷумҳуриявии «Китоби сол-2012» дониста шуданд.

Мирзошорӯх Асрорӣ, вазири фарҳангӣ Тоҷикистон Назрӣ Раҳмат ва Кароматуллоҳи Мирзоро бо  дипломи дараҷаи аввал ва 1500 сомонӣ қадрдонӣ намуд.

Аз Вазорати фарҳанг ба Озодагон иттилоъ доданд, ки ба Шаҳрияи Аҳтам  барои ду китоби наср «Таронаи сабз» дипломи дараҷаи дуввум ва ба маблағи 1000 сомонӣ тӯҳфа дода шуд.

Манбаъ мегӯяд, Ҷонибек Акобиров бо китоби «Қаламҳои кӯҳистонӣ», дипломи дараҷаи дуввум ва маблағи 1000 сомониро соҳиб шуд: « Дар бахши дигари ин озмун Халифабобо Ҷумъазода бо асари «Парчами Тоҷикистон», соҳиби дипломи дараҷаи аввал ва маблағи 500 сомонӣ мегардад. Раҳмони Бобо аз руи асари «Писарам, духтарам» дипломи дараҷаи дуввум ва бо маблағи 500 сомонӣ қадрдонӣ мегардад.  Барои ду китоби насри бачагона бошад Маҷид Салим «Человек идёт к зверю», дипломи дараҷаи аввал ва маблағи 500 сомониро ба даст меорад».

Дар ин бахши озмун Абдурауф Муродӣ бо асари  «Як танӯр кулча» бо дипломи дараҷаи дуввум ва маблағи 500 сомонӣ сарфароз мегардад.  

Мӯҳр