«Истиқлол» мақоми сеюмро соҳиб шуд

Дастаи «Истиқлол» дар бозии мавқуфгузоштаи даври 23-юми Лигаи олӣ, ки дирӯз дар варзишгоҳи марказии ҷумҳуриявӣ бо тими «Энергетик»-и Душанбе қувваозмоӣ намуданд, бо ҳисоби  5:0 ғолиб омад.

Пас аз анҷоми ин бозӣ дастаи «Истиқлол» дар ҷадвали мусобиқа як зина аз «Хайр»-и Ваҳдат пеш гузашта, новобаста аз натиҷаи бозии охиринаш бо «Равшан»-и Кӯлоб бо 53 имтиёз ҷойи сеёмро соҳиб шуд.

Феълан дар ҷадвали мусобиқа дастаи «Регар-ТадАЗ»-и Турсунзода бо 61 имтиёз дар садри ҷадвали мусобиқа қарор дорад. «Равшан»-и Кӯлоб, ки як бозӣ кам кардааст бо 59 имтиёз дар зинаи дуюм қарор дорад.

Бозии охирини мусобиқаи Лигаи олӣ рӯзи 29-уми ноябр миёни дастаҳои «Истиқлол»-и Душанбе ва «Равшан»-и Кӯлоб дар варзишгоҳи марказии ҷумҳуриявии Душанбе баргузор мешавад. Ин бозӣ тақдири медалҳои тиллову нуқраи мусобиқаи имсоларо ҳал хоҳад кард. Барои қаҳрамон шудани дастаи «Равшан» танҳо ғалаба зарур аст дар сурати мусовӣ ва ё бо бохти «Равшан» анҷом ёбад он гоҳ «Регар-ТадАЗ»-и Турсунзода ғолиби мусобиқа мешавад.

Феълан 11 даста - «Регар-ТадАЗ», «Хайр», «Парвоз», «Вахш», ССКА «Помир», «Хуҷанд», «Истаравшан», «Ҳосилот», «Гвардия», «Зарафшон» ва «Энергетик» бозиҳои мусобиқаи имсолаи қаҳрамонии футболи Тоҷикистонро ба охир расонданд.

Мавқеи дастаҳо дар ҷадвали мусобиқа:

Ҷой	Дастаҳо	Б	Ғ	М	Б	Т	Х
1	« Регар-ТадАЗ»	24	19	4	1	77-16	61
2	«Равшан»	23	19	2	2	49-9	59
3	«Истиқлол»	23	16	5	2	75-11	53
4	«Хайр»	24	16	4	4	45-27	52
5	«Парвоз»	24	10	4	10	47-36	34
6	«Вахш»	24	9	4	11	31-24	31
7	ССКА «Помир»	24	8	6	10	26-25	30
8	«Хуҷанд»	24	8	6	10	29-44	30
9	«Истаравшан»	24	8	4	12	33-44	28
10	«Энергетик»	24	7	6	11	35-34	27
11	«Ҳосилот»	24	4	2	18	18-64	14
12	«Гвардия»	24	4	0	20	18-72	12
13	«Зарафшон»	24	1	3	20	21-98	6

Мӯҳр