«Регар-ТадАЗ» боз дар садри ҷадвали мусобиқаи Лигаи олӣ нишаст

«Истаравшан»-и Истаравшан бо «Парвоз»-и Бобоҷон Ғафуров дар варзишгоҳи «Ҷавонӣ»-и ноҳияи Ҷаббор Расулов қувваозмоӣ карданд, ки бозӣ бо ҳисоби 1:0 ба ба нафъи «Истаравшан» анҷом ёфт.

ССКА «Помир»-и Душанбе дар майдони худ аз «Регар-ТадАЗ»-и Турсунзода бо ҳисоби 0:2 шикаст хурд.

Як бозии дигар рӯзи якшанбе, 25-уми ноябр миёни «Энергетик»-и Душанбе - «Истиқлол»-и Душанбе дар варзишгоҳи марказии ҷумҳуриявӣ барпо мегардад.

Бозии охирини мусобиқаи Лигаи олӣ рӯзи 29-уми ноябр миёни дастаҳои «Истиқлол»-и Душанбе ва «Равшан»-и Кӯлоб дар варзишгоҳи марказии ҷумҳуриявии Душанбе баргузор мешаванд. Ин бозӣ тақдири медалҳои тиллову нуқраи Мусобиқаи имсоларо ҳал хоҳад кард. Барои қаҳрамон шудани дастаи «Равшан» танҳо ғалаба зарур аст дар сурати мусовӣ ва ё бо бохти «Равшан» анҷом ёбад он гоҳ «Регар-ТадАЗ»-и Турсунзода ғолиби мусобиқа мешавад.

Феълан 10 даста - «Регар-ТадАЗ», «Хайр», «Парвоз», «Вахш», ССКА «Помир», «Хуҷанд», «Истаравшан», «Ҳосилот», «Гвардия» ва «Зарафшон» бозиҳои мусобиқаи имсолаи қаҳрамонии футболи Тоҷикистонро ба охир расонданд.

Мавқеи дастаҳо дар ҷадвали мусобиқа:

Нишонзанони беҳтарини сабқат инҳоянд:
- Дилшод Восиев («Истиқлол»)-24 гол, Комил Саидов («Регар-ТадАЗ») - 20-голӣ, Аҳтам Ҳамроқулов («Регар-ТадАЗ») - 18 гол, Мирзобек Мирзоев («Хайр») - 17 гол.