ВМКБ аз иҷрои нақшаи даъватӣ тирамоҳӣ баромад. Дар маҷмӯъ 9 фоизи дигар монд

То анҷоми даъвати тирамоҳии шаҳрвандон ба хизмати ҳатмии ҳарбӣ, ки ба он  ҷавонони синну соли аз 18 то 27 сола сафарбар карда мешаванд, 15 рӯзи дигар боқӣ монд.

Дар ин бора Фаридун Маҳмадалиев, сухангӯи хадамоти матбуоти Вазорати мудофиа ба хабаргузории Озодагон иттилоъ дод. Ба иттилои манбаъ, айни замон 91 дарсади нақшаи даъват иҷро шудааст: «Бо гузашти 45 рӯз ВМКБ дар байни дигар шаҳру навоҳии кишвар пешсаф буда, аллакай мақомоти масъули вобастаи даъватии шаҳру навоҳии он аз иҷрои пураи нақшаи даъват гузориш доданд».

Манбаъ афзуд, дар вилояти Суғд , иҷрои нақша ба 87 дар сад баробар аст, вилояти Хатлон 96%-и  нақшаро иҷро кардааст. Дар комисариатҳои ҳарбии навоҳии тобеъи марказ  нишондоди даъват ба 85%  ва дар чор ноҳияи пойтахт бошад, иҷрои нақша ба 91 дарсад расидааст. Аллакай дар давоми 45 рӯзи ҷараёни чорабиниҳои даъватии шаҳрвандон ба сафи қувваҳои мусаллаҳ 30 шаҳру навоҳии кишвар иҷрои нақшаро пурра ба анҷом расонидаанд.

Ёдрас менамое, ки даъвати тирамоҳии шаҳрвандон ба хизмати ҳарбӣ аз 1-уми октябр оғоз гардида, то охири моҳи ноябр, яъне тайи ду моҳ идома мекунад.   
Мӯҳр