Машқҳои муштараки зиддитеррористӣ дар минтақаи Ромит

Аз 7-ум то 18-уми ноябри соли равон дар ҳудуди минтақаи Ромити шаҳри Ваҳдат машқхои муштараки зиддитеррористии қувваҳои мусаллаҳи Тоҷикистону Қазоқистон гузаронида мешавад.

Фаридун Маҳмадалиев, сухангӯи Вазорати мудофиа ба Озодагон иттиллоъ дод, ки дар машқҳои муштарак наздики сад нафар хизматчиёни ҳарбии ҷузъу томҳои таъиноти махсуси қувваҳои мусаллаҳи ин ду кишвар ширкат намуда, яроқу аслиҳаи мухталифи сабуки оташфишони ҷангӣ истифода хоҳад шуд.

Ҳадаф аз баргузории машқҳои муштарак, ин тарҳрезӣ намудани назару муносибати ягона дар ташкили амалиёти муштараки зиддитеррористӣ дар шароити кӯҳистон, ҳамоҳанг намудани фаъолияти ҷузъу томҳои дар он ширкаткунанда, вобаста ба таъмини амният дар минтақа ва табодули таҷрибаомузӣ дар таҳия, ташкил ва баргузор кардани унсурҳои мухталифи зиддитеррористӣ арзёбӣ шуд.

Манбаъ илова намуд, ки машқҳои муштарак таҳти роҳбарии Тоҳир Хайруллоев,  муовини фармондеҳи қушунҳои зудамали Точикистон ҷараён гирифта, дар он беш аз даҳ унсури зиддитеррористӣ вобаста ба безараргардонӣ ва маҳв намудани душманони шартӣ таҳрезӣ карда мешаванд.
Мӯҳр