Таҳдид бо «таппонча» боиси боздошти ҷавонон гардид. Дар Суғд

Дар шаҳри Хуҷанд як гурӯҳ наврасонро бо ҷурми авбошӣ дастгир карданд.

Тавре ба Озодагон аз ВКД хабар доданд, кормандони милиса шаҳрвандон: Сиёвуш Саидқулови 21-сола, сокини шаҳри Душанбе ва ноболиғон-Раҷабалӣ Доҳиеви 17-сола, сокини шаҳри Қӯрғонтеппа, Абдурасул Ғаффорови 17-сола, сокини шаҳри Душанберо боздошт намуданд.

Бино ба иттилои манбаъ, дастгиршудагон рӯзи 9-уми октябри соли равон дар назди нуқтаи сӯзишвории маҳаллаи 34-уми Хуҷанд бо ноболиғон Исмоил Сатторови 16-сола, хонандаи синфи 10-и мактаби таҳсилоти умумии №28 ва Фирдавс Ҷумаеви 15-сола, хонандаи синфи 9-и мактаби таҳсилоти умумии №28, сокинони шаҳри Хуҷанд, бо баҳонаи харидорӣ намудани телефонҳои мобилиашон вохӯрдаанд: «Баъдан Сиёвуш Саидқулов аз таппончаи пластмассӣ ҳамчун яроқ истифода бурда, Исмоил Сатторов ва Абдурасул Ғаффоровро лату кӯб намуда, аз онҳо 200 сомонӣ, як гарданбанди нуқрагин ва 11 адад телефони мобилии тамғаи «Нокиа»-ро гирифта, ба онҳо ба маблағи 2160 сомонӣ зарари моддӣ расониданд».

Айни ҳол дар қӣболи боздоштшудагон парвандаи ҷиноӣ кушода шуда, тафтишот идома дорад.

 

 

Мӯҳр