Созмони Ҳамкории Исломӣ аз Тоҷикистон пуштибонӣ менамояд

28-умин иҷлоси Созмони Ҳамкории Исломӣ дар Истамбул ба кори худ оғоз намуд.

Хабарнигори Озодагон аз Туркия иттилоъ медиҳад, ки ин нишаст то рӯзи 11-уми октябри дома карда, вазирони хориҷаи кишварҳои узви ин созмон иштирок ва суханронӣ хоҳанд кард. Гуфта мешавад, дар ҳоли ҳозир 57 кишвари чаҳон бо аҳолии 1,5 млрд нафар аъзои ин созмони бонуфузи ҷаҳонӣ (баъд аз Созмони Миллали Муттаҳид) мебошад.

 

Дар оғози ҳамойиш, дабиркулли СҲИ- Акмалиддин Эхсоноғлу меҳмононро хайрамақдам гуфта, пас аз тиловати порае аз Қуръони карим кори иҷлосия шуруъ шуд. Гурӯҳҳои корӣ дар бахшҳои мухталифи ҳамкории ин созмон, аз ҷумла табодули мол байни кишварҳои аъзо, рушди ҳамкориҳои кишоварзӣ (ривоҷи пахтакорӣ), бахши туризм, ташкили фонди вижа барои ҳолатҳои фавқулодда, дастгирии сектори хусусӣ ва ғайраро мавриди баррасиву баҳс қарор медиҳанд. Дар ин мунозираҳо кишварҳои Арабистони Саудӣ, Индонезия, Эрон, Туркия, Афғонистон, Малайзия, Ироқ, Кувайт, Қазоқистон ва Тоҷикистон бисёр фаъол буданд.

Маврид ба ёдоварист, намояндаи Туркия зимни баромадаш пешниҳоди кӯмакҳои молӣ ва техникии ин созмонро ба Тоҷикистон ва Афғонистон зарур ва саривақтӣ унвон кард. Зимнан, ҷониби Қазоқистон хостори таъсиси офиси ҷадиди барномаи хӯрокворӣ дар пойтахти кишвари худ шуданд.

Мӯҳр