54 нафар шаҳрвандони Тоҷикистон Яманро тарк карданд

Шаҳрвандони Тоҷикистон, ки дар Яман муваққатан ба сар мебурданд ба ватан бозмегарданд.Тавре ба хабаргузории «Озодагон» аз сафорати Тоҷикистон дар Маскав иттилоъ доданд,

бино ба ташаннуҷи вазъи сиёсӣ ва нооромиҳои ахир дар ҷумҳурии Яман ва тибқи муроҷиати сафорати чумҳурии Тоҷикистон дар Федератсияи Русия ба ниҳодҳои расмии кишвари иқомат, 13-уми июни соли равон бо ду ҳавопаймои махсуси вазорати ҳолатҳои фавқулоддаи Русия 54 шаҳрванди  Тоҷикистон ба Маскав оварда шуданд.Дар ҳавопаймои якум 44 шаҳрванд, ки бештари онҳоро занону кӯдакон ташкил медиҳад  ва дар ҳавопаймои дигар 10 нафар тоҷикистониён ба Маскав омаданд.Дар фурудгоҳи «Домодедово»  онҳоро кормандони сафорати ҷумҳурии Тоҷикистон дар Русия     пешвоз гирифтанд. Сипас, гурӯҳе аз онҳо тавассути ҳавопаймо ба сӯи Тоҷикистон роҳ пеш гирифта, бархеи дигар, дар ҳоли ҳозир ба хотири наздикону пайвандони худ дар қаламрави Федератсияи Русия қарор доранд. Гуфта мешавад, бар асари даргириҳои ахир дар ҷумҳурии Яман ягон шаҳрванди Тоҷикистон осеб надидааст.
Мӯҳр