Арзиши доллар, евро ва рубли русӣ поён рафт

Имрӯз, 4-уми октябр қурби миёнаи доллари ИМА дар нуқтаҳои мубодилаи асъори шаҳри Душанбе каме поин фуромада, феълан бо ҳисоби миёна як доллар ба 4,8190-4,8330 сомонӣ хариду фурӯш мешавад.

Абдуғаффор Қурбонов, масъули маркази матбуотии Бонки миллӣ ба Озодагон гуфт, тайи чанд рӯзи ахир арзиши миёнаи асъори хориҷӣ нисбат ба сомонӣ дар нуқтаҳои мубодилаи пули шаҳрҳои Душанбе, Хуҷанд ва дигар минтақаҳои ҷумҳурӣ дар маҷмӯъ тамоюли пастшавӣ дошт. Қурбҳои миёнаи аз рӯи амалиёт бо рубли русӣ ва евро дар рӯзҳои охир каме паст шуда ба 0,1523-0,1533 ва 6,1560-6,1784 сомонӣ мувофиқан баробар шуданд.
«Ҳамин рӯз қурби миёнаи доллари ИМА дар нуқтаҳои мубодилаи асъори шаҳри Душанбе 4,8180-4,8390, шаҳри Хуҷанд 4,8190-4,8300 ва шаҳри Қурғонтеппа 4,8200-4,8300 сомониро ташкил медиҳад»,-афзуд манбаъ.

Мӯҳр