Дастаҳои Лигаи олӣ ба даври навбатии чемпионат омодагӣ мебинанд

Даври 18-уми бозиҳои Чемпионати Тоҷикистон миёни дастаҳои Лигаи олӣ баргузор мегардад.

Се бозии аввали ин давр имрӯз, 29-уми сентябр доир мегардад. Дастаи «Зарафшон»-и Панҷакент бо тими «Хуҷанд»-и Хуҷанд дар варзишгоҳи марказии шаҳри Панҷакент вориди сабқат мешавад. «Хайр»-и Ваҳдат ва ССКА «Помир» дар варзишгоҳи «Хайр»-и шаҳри Ваҳдат рақобат хоҳанд кард. Рақобати «Хосилот»-и Фархор ва «Гвардия»-и Душанбе дар варзишгоҳи марказии Фархор баргузор мегардад.

Ду бозии дигари даври 18-ум рӯзи 30-юми август анҷом хоҳад шуд. «Истаравшан»-и Истаравшан бо «Регар-ТадАЗ»-и Турсунзода дар варзишгоҳи «Родник»-и Спитамен қувваозмоӣ хоҳанд кард. Бозии «Энергетик»-и Душанбе ва «Парвоз»-и Бобоҷон Ғафуров дар варзишгоҳи «Авиатор»-и Душанбе мегузарад.

Ёдовар мешавем, дар даври 16-уми бозиҳои Лигаи олии Тоҷикистон дастаи «Истаравшан»-и Истаравшан тими «Зарафшон»-и Панҷакентро бо ҳисоби 4:1 мағлуб кард. «Ҳосилот»-и Фархор аз «Парвоз»-и Бобоҷон Ғафуров бо ҳисоби 1:2 шикаст хӯрд. «Хайр»-и Ваҳдат бар «Регар-ТадАЗ»-и Турсунзода бо ҳисоби 1:0 пирӯз шуд.
Мӯҳр