Тими «Равшан» дар меҳмонӣ бо ССКА «Помир» вориди рақобат мешавад

Даври 17-уми бозиҳои Чемпионати Тоҷикистон миёни дастаҳои Лигаи олӣ баргузор мешавад.

Ду бозии аввали ин давр фардо, 22-юми август доир мегардад. Дастаи ССКА «Помир» бо «Равшан»-и Кӯлоб дар шаҳри Душанбе вориди сабқат мешаванд. «Хуҷанд» ва «Истаравшан» дар шаҳри Хуҷанд рақобат хоҳанд кард.

Ду бозии дигари даври 17-ум рӯзи 23-юми август баргузор мешавад. «Зарафшон»-«Ҳосилот» дар варзишгоҳи марказии шаҳри Панҷакент қувваозмоӣ хоҳанд кард. Бозии «Парвоз» ва «Гвардия» дар варзишгоҳи «Фурудгоҳ»-и Бобоҷон Ғафуров футбол мекунанд.

Ёдовар мешавем, дар даври 16-уми бозиҳои Лигаи олии Тоҷикистон дастаи «Истаравшан»-и Истаравшан тими «Зарафшон»-и Панҷакентро бо ҳисоби 4:1 мағлуб кард. «Ҳосилот»-и Фархор аз «Парвоз»-и Бобоҷон Ғафуров бо ҳисоби 1:2 шикаст хӯрд. «Хайр»-и Ваҳдат бар «Регар-ТадАЗ»-и Турсунзода бо ҳисоби 1:0 пирӯз шуд.

Мӯҳр