Фестивали ҷумҳуриявии «Рассомони наврас» дар Душанбе

Фардо, 20-уми сентябр дар Коллеҷи рассомии ба номи Мирзораҳмат Олимов фестивали ҷумҳуриявии «Рассомони наврас» оғоз мегардад.

Дар ин бора ба хабаргузории «Озодагон» Раҳматулло Раҳматуллоев, масъули дафтари матбуотии Вазорати фарҳанг иттилоъ дод. Ба қавли манбаъ, ҳадафи аслии ин ҷашнвора  бедор намудани ҳисси зебопарастии наврасон, инчунин дастгирии мактаб, студия ва коллеҷҳои санъати тасвирӣ мебошад: «Аз ин рӯ гузаронидани фестивал дар байни хонандагони мактабҳои рассомӣ айни муддао ва бомаврид буда, бо ин роҳ омӯзгорон ва рассомони навраси мактабҳои санъати тасвирӣ асарҳои эҷодкардаи худро метавонанд, мавриди назари тамошобинон гардонанд».

-Ташкилкунандагони асосии ин фестивал омӯзгорони мактабҳои санъати тасвирӣ мебошанд,-илова кард Раҳматуллоев.

Мӯҳр