Теъдоди қурбониён заминларзаи Чин меафзояд

Тибқи маълумотҳои охирин теъдоди афроди ба ҳалокатрасида дар пайи зилзилаҳои рӯзи ҷумъа дар Хитой дасти кам ба 80 нафар мерасад.

Қисмати ҷануби ғарбии Чин рӯзи гузашта шоҳиди чанд заминҷунбӣ гардид, ки ҳамчунин беш аз 700 нафарро захмӣ кард.

Бештари афроди хисоротбардошта сокинони маҳалҳои баландкӯҳ ҳастанд, ки ирсоли кӯмак ба онҳо мушкил будааст. Маркази заминҷунбӣ музофотҳои Юнан ва Гуйҷой гуфта мешавад. Шиддати ларзиши замин ба 5,7 бал аз рӯи ҷадвали Рихтер баробар шудааст.

Қарор аст, дар фурсати наздиктарин аз ноҳияҳои зарардида нахуствазири шӯрои давлатии Чин Вэн Тсзябао дидан кунад. Хабаргузории «Синхуа»-и Хитой навиштааст, ки зилзила 6,5 ҳазор биноро тахриб карда, зиёда аз 400 ҳазор иншооти дигар қисман зарар дидаанд.

Мӯҳр