«Энергетик», «Истиқлол», «Регар-ТадАЗ» ва «Гвардия» ба нимфинал роҳ ёфтанд

Бозиҳои ҷавобии ¼ ниҳоии Ҷоми Тоҷикистон, миёни дастаҳои Лигаи олӣ баргузор шуд.

Бозии ниҳойии даври чорякфиналӣ дирӯз, 27-уми август миёни дастаҳои «Зарафшон» ва «Гвардия» дар варзишгоҳи марказии шаҳри Панҷакент доир шуд. Дар ин дидор тими «Зарафшон» ҳарифашро бо ҳисоби 2:1 мағлуб кард, вале аз рӯи натиҷаи ҳарду бозӣ дастаи «Гвардия»-и Душанбе ба даври нимниҳоӣ роҳ ёфт.
Ёдовар мешавем, се бозии дигари ¼ ниҳоӣ ду рӯз қабл (26-уми август) баргузор гардида буд. Дастаи «Энергетик»-и Душанбе дар варзишгоҳи «Авиатор» бо тими «Хайр»-и Ваҳдат қувваозмоӣ намуда, бо ҳисоби 2:1 пирӯз шуд. «Энергетик» дар бозии аввал низ дар варзишгоҳи шаҳри Ваҳдат «Хайр»-ро бо ҳисоби 3:2 шикаст дода буд.
Дастаҳои «Истиқлол»-и Душанбе ва ССКА «Помир»-и Душанбе дар варзишгоҳи марказии пойтахт вориди рақобат шуданд ва бозӣ мусовӣ- 0:0 анҷом ёфт. Дар бозии аввал дастаи «Истиқлол» бо ҳисоби 1:0 ғалаба карда буд ва ин имкони ба даври ниманиҳоӣ баромаданашро ба вуҷуд овард.
Бозии ҷавобии чорякниҳоӣ миёни дастаҳои «Регар-ТадАЗ»-и Турсунзода ва «Ҳосилот»-и Фархор баргузор нашуд. Бар асоси дастури мусобиқа дастаи меҳмон - «Ҳосилот», ки ба бозӣ ҳозир нашуд, бо ҳисоби техникӣ- 0:3 мағлуб дониста шуд. Дар бозии аввал «Регар-ТадАЗ» бо ҳисоби 3:2 пирӯз шуда буд.  
Ҳамин тариқ бозиҳои ниманиҳоӣ рӯзҳои 4-ум ва 12-уми сентябр баргузор хоҳанд шуд. «Энергетик» бо «Истиқлол» ва «Регар-ТадАЗ» бо «Гвардия » рақобат мекунанд.
Мӯҳр