Таъмиру таҷдиди роҳи Душанбе-Турсунзода идома дорад

Марҳилаи аввали таъмиру таҷдиди роҳи мошингарди Душанбе-Турсунзода то марзи Ӯзбакистони ҳамсоя ба анҷом расид.

Тибқи иттилои расмӣ, дар асоси тарҳи қаблӣ кӯчонидани  аҳолӣ ва ҷудо намудани қитъаи замин ба 229 нафар хонаводае, ки дар қарибии роҳ манзил доштанд, комилан поён ёфта, ба ҳудуди беш аз 2,3 миллион сомонӣ ҷубронпулӣ дода шуд. Дар километри 40 ва 51 тайёр намудани захираи масолеҳ идома дошта, дар километри 40 ва 52-юм тайёр кардани монеаҳо аз ду тарафи роҳ давом дорад.  
Маврид ба ёдоварист, ки таъмиру таҷдиди ин ҷода аз дарвозаи ғарбии шаҳри Душанбе то сарҳади Ҷумҳурии Ӯзбакистон 57 км буда, дорои 25,5 метр паҳноӣ ва чор хатти ҳаракати нақлиёт аст. Дар ин роҳ ҳамарӯза 150 мошину техникаи роҳсозӣ таҳти назорати доимии ронандагону мутахассисони ватанӣ ва мутаххасисони чинӣ фаъолият доранд.   
Мӯҳр