«Оғохон» Мӯъминободро бо об таъмин мекунад

Хазинаи Оғохон дар ду ҷамоати деҳоти ин ноҳия хати оби нӯшокӣ кашида, мушкили сокинонро осон кард.

Сайбурҳон Тағоев, менеҷери лоиҳаи Хазинаи Оғохон дар ноҳияи Мӯъминобод ба хабаргузории Озодагон гуфт, дар рустои Лаби Ҳавзи ҷамоати деҳоти Деҳибаланд дар масофаи 5500метр, бо маблаги умумии 19.530 доллари амрикоӣ барои 30 хочагӣ ва дар рустои Қипчоқи чамоати деҳоти Туту дар масофаи 2200 метр, бо маблағгузории 12.035 доллари амрикоӣ барои 32 хоҷагӣ хати нави оби нӯшокӣ сохта  ба истифода дода шуд.
Сохтмони хатҳои оби нӯшокӣ моҳи майи ҳамин сол оғоз гардида, дар муддати камтар аз 2 моҳ сохта мавриди истифода қарор дода шуд,- мегӯяд Тағоев.
Мавриди зикр аст, ки рустоҳои мазкур тайи солҳои зиёд танқисӣ аз оби истеъмолӣ доштанд ва обро бо хару ароба мекашониданд.
Мӯҳр