Муассиси Wikileaks ба Африқо паноҳ мебарад?

Асосгузори Wikileaks Ҷулиан Ассанж аз сафорати Эквадор дар Лондон паноҳгоҳи сиёсӣ ҷустааст.

Дар ин бора дафтари матбуоти сафорати Эквадор дар Лондон хабар пахш кардааст. Бино ба маълумоти ин сарчашма, феълан Ассанж дар сафорат қарор дорад.
Гуфта мешавад, Ҷуллиан Ассанж субҳи рӯзи душанбе ба сафорати Эквадор, яке аз кишварҳои африқоӣ омада, паноҳгоҳи сиёсӣ пурсидааст. Мақомоти Эквадор гуфтаанд, ин масъаларо дар кӯтоҳтарин фурсат ҳаллу фасл хоҳанд кард.
Дар ҳамин ҳол, сомонаи Wikileaks  аз қавли модари Ассанж менависад, ки ин тасмими писарашро ҷонибдор аст ва қарори дар яке аз кишварҳои ҷаҳони сеюм, ки аз дасти Амрико ранҷ бурда паноҳ бурдани писарашро қадами дуруст номидааст.
Ёдовар мешавем, ки 30 майи соли равон Суди олии Бритониё дар бораи боздодани Ассанж ба мақомоти Шветсиё, ки дар ин кишвар гӯё дар ҷавонӣ ҷинояти таҷовуз ба номус содир карда бошад, қарор қабул кард. Аммо Ассанж боздодани ӯро ба мақомоти Шветсия қадами аввал дар роҳи таслими ӯ ба Амрико унвон кардааст.
Сомонаи Wikileaks бо нашри маълумотҳои махфӣ аз амалоти ҳукумати Амрико шӯре дар ҷаҳон хезонд ва акнун асосгузори ӯ аз сӯи ин кишвар аз ҳар ҷониб фишор дида истодааст

Мӯҳр